ᐅᓪᓗᓂᒃ ᐱᖓᓱᓂᒃ ᐊᐅᓪᓚᓯᒪᓕᕐᓱᑕ ᐊᑦᑐᑕᐅᒪᓐᓇᓚᐅᔪᖅ ᐃᓚᒃᑲᓂᒃ ᕿᒣᒪᑦᓱᖓ ᐱᖃᓐᓈᑲᓂᓪᓗ ᑕᕆᐅᑉ ᐊᑭᐊᓄᑦ ᐊᐅᓪᓚᓯᒪᔪᕕᓂᐅᑦᓱᓄᒃ ᖃᐅᔨᒻᒫᕆᓪᓗᐊᖏᑦᑕᕋᓂᓪᓗ ᒪᓕᑦᑎᖃᕐᓱᖓ. ᐃᕐᓯᓚᐅᕐᓯᒪᕗᖓ, ᕿᐊᔪᐊᓘᑦᓱᖓ. ᐃᓗᕐᖁᓯᕆᖕᖏᑕᕋᓂᒃ ᐊᔪᕆᒪᖕᖏᓱᖓ ᑕᑕᒥᐅᒪᓐᓇᓯᒪᔪᖅ. ᓱᑲᑦᑐᐊᓗᒻᒥᒃ ᐊᔪᕆᓴᓯᓚᐅᕐᓯᒪᕗᖓ! ᓂᕿᖏᑦ, ᐃᓄᖏᑦ, ᐅᕐᖂᔪᕐᔪᐊᖑᓂᖓ ᐊᒻᒪᓗ ᓯᕿᓂᖓ, ᐊᒻᒪᓗ ᐊᕙᓗᒪᔭᐅᑦᓱᖓ ᓄᓇᖃᕐᖄᓯᒪᔪᓄᑦ ᐃᓄᓐᓄᑦ ᓯᓚᕐᔪᐊᒥ ᐱᓯᒪᔪᓂᑦ ᐊᓂᕐᕋᒦᑦᑑᔮᓯᓚᐅᕐᓯᒪᔪᖓ.
ᐃᓗᕐᖁᓯᕐᒥᓂᒃ ᐱᓯᒪᔪᓂᒃ ᐊᓐᓄᕌᕐᓯᒪᖃᑦᑕᓱᑎᒃ ᐅᓪᓗᑕᒫᑦ ᑖᕙᓃᑦᑎᓗᖓ, ᓇᑦᔭᓯᒍᒪᔪᕕᓂᐅᒻᒥᔪᖓ. ᐊᓐᓄᕌᒐᓚᒃᑲ ᕿᓯᔭᐅᒻᒪᑕ ᐃᓘᓐᓇᑲᓵᑎᑦ, ᐊᒻᒪᓗ ᕿᓯᔭᖅ ᐊᒥᓱᓂᒃ ᓄᓇᓕᕐᔪᐊᓂᒃ ᐊᑐᕐᑕᐅᒋᐊᖃᖕᖏᓱᑎᒃ, ᐊᕐᓵᑕᐅᕈᒪᖕᖏᓱᖓ ᓇᑦᔭᓯᓯᒪᖕᖏᓚᖓ ᓇᒻᒥᓂᒃᑲᓂᒃ. ᐃᓕᑦᓯᓯᒪᕗᖓ ᓄᓇᖃᕐᖄᓯᒪᔪᔭᐅᑦᓱᖓ, ᓇᓂᑐᐃᓐᓈᒐᓗᐊᕈᕕᑦ ᓯᓚᕐᔪᐊᒥ, ᐊᕐᓱᕈᕐᓇᑐᓂᒃ ᐊᑦᔨᐸᓱᒌᑦᑐᓂᒃ ᐊᑑᑎᓲᖑᔪᒍᑦ ᐅᖁᒣᑦᑐᓂᒃ. ᑲᑎᒪᔪᕕᓂᐅᑦᓱᑕ, ᐅᖄᕈᑎᖃᓚᐅᕐᓯᒪᕗᖓ ᓄᓇᓕᒻᒪ ᒥᑦᓵᓄᑦ, ᐊᐳᑎᖃᑦᓯᐊᖏᕆᐊᓕᕐᓂᑎᓐᓄᑦ ᒫᓐᓇᐅᓕᕐᑐᖅ ᐊᕐᕌᒍᐃᑦ 20 ᐊᓂᒍᕐᓯᒪᓕᕐᑐᐃᑦ ᑕᑯᓐᓇᓱᒍ—ᐅᑭᐅᖅ ᓀᓪᓕᕙᓪᓕᐊᑐᐃᓐᓇᓕᕐᑐᖅ ᐊᕐᕌᒍᑕᒫᖅ. ᐅᖄᕈᑎᖃᕐᓯᒪᒻᒪᑕ ᐃᒪᖅ ᐳᕐᑐᓯᕙᓪᓕᐊᓂᖓᓄᑦ ᐊᒻᒪᓗ ᐃᓪᓗᐃᑦ ᐃᒪᕐᐱᐅᑉ ᐊᑖᓅᖃᑦᑕᓕᕐᒪᑕ. ᐊᑕᐅᑦᓯᑯᑦ, ᓯᑯ ᐊᐅᑉᐸᓕᐊᓂᖓᓂᒃ ᐊᑑᑎᔪᒍᑦ ᐅᑭᐅᕐᑕᑐᒥ. ᓯᓚᕐᔪᐊᑉ ᐅᕐᖂᓯᕙᓪᓕᐊᓂᖓ ᐊᑑᑎᓪᓚᕆᑦᑐᖅ. ᓱᒋᐊᕆᐊᖃᓕᕐᖁᒍᑦ ᒫᓐᓇᓴᐅᑎᒋᒃ ᐊᓯᐅᖁᓇᒋᑦ ᓄᓇᖁᑎᕗᑦ ᑭᖑᕚᕗᑦ ᐃᓅᕕᖃᖁᓪᓗᒋᑦ ᓯᕗᓂᕐᒥ ᐊᒻᒪᓗ ᓄᓇᖃᖁᓪᓗᒋᑦ ᑌᑦᓱᒪᓂ ᓯᕗᓪᓕᕗᑦᑕ ᐱᕐᖁᓯᑐᖃᖓᓂᒃ ᐊᕐᕌᒍᕆᐊᓪᓚᓄᑦ ᑕᐅᓴᓐᑎᓄᑦ ᐅᖓᑖᓄᓪᓗ. ᐊᒻᒪᓗ, ᐋ! ᐆᑦᑐᕆᐊᖕᖓᓚᐅᕐᓯᒪᕗᖓ ᑎᒻᒥᐊᒥᒃ ᑌᔭᐅᔪᒥᒃ pigeon ᓯᕗᓪᓕᐹᑦᓯᐊᒥ! ᓇᑯᕐᒦᒃ ᐊᐱᕆᒐᕕᑦ! ᐊᒻᒪᓗ ᐅᒃᑯᐊᕈᑎᒐ ᑕᒪᓐᓇ! LOL ᐊᐅᑲ, ᐊᐅᑲ, ᐊᕿᒡᒋᕕᓂᕐᑎᑐᖅ ᑎᐸᖃᓚᐅᔪᖅ! ᐃᓱᒪᒋᑦᓱᒍ ᓂᕆᒌᕋᑦᑕ ᖁᐃᓈᓚᕿᓚᐅᔪᕗᖓ.
ᑦᔮᓇᔅ ᐸᐅᓴᓐᔅ
ᐊᖓᔪᕐᖄᖅ ᖃᕐᔪᐃᑦ ᐅᕕᒃᑫᑦ ᑲᑎᖕᖓᔨᖏᑦ