ᓄᓇᓕᒻᒥ ᐅᕕᒃᑫᑦ ᓱᒋᐊᕐᓂᖏᓐᓄᑦ ᑮᓇᐅᔭᖃᕐᑎᑕᐅᒍᑏᑦ (LYAF)
ᓄᓇᓕᒻᒥ ᐅᕕᒃᑫᑦ ᐊᐅᓚᒃᑳᕆᓂᕐᒧᑦ ᑮᓇᐅᔭᖃᕐᑎᓯᓂᖅ ᐱᕕᑦᓴᐅᕗᖅ ᐊᕐᕌᒍᓕᒫᒥ ᐃᓕᓐᓄᑦ, ᐱᒋᐊᒍᓐᓇᓂᐊᕐᑎᓗᑎᑦ ᓄᓇᓕᑉᐱᑦ ᐱᓇᓱᐊᕈᒪᔭᕐᓂᒃ ᒫᓐᓇ ᓄᓇᓕᓐᓂ.
ᓇᑯᕐᒦᒃ ᐸᐸᑦᓯᕕᕆᔭᖓᑕ ᐅᕕᒃᑫ ᑯᐯᒃᒥ, ᓄᓇᓕᒻᒥ ᐅᕕᒃᑫᑦ ᐊᐅᓚᔾᔭᒍᑎᖏᑦᑕ ᑮᓇᐅᔦᑦ $150,000 ᐅᑎᑦᑐᓴᐅᖕᖏᑐᑦ ᐊᑐᐃᓐᓇᐅᑎᑕᐅᔪᑦ ᓄᓇᓕᖕᓄᑦ 14-ᓄᑦ ᓄᓇᕕᒻᒥ ᑦᓯᓵᓯᐱᒥᓪᓗ ᑲᔪᖏᕐᓭᓂᕐᒧᑦ ᐃᓅᓱᑦᑐᓄᑦ/ᐅᕕᒃᑲᓄᑦ ᐱᒋᐊᕐᑎᓯᒍᑎᑦᓴᖏᓐᓂᒃ ᓄᓇᓕᒻᒥᑕ ᖃᓄᐃᓘᒍᑎᒋᒍᒪᔭᖏᓐᓄ ᐅᕕᒃᑲᖁᑎᒥᓅᓕᖓᑎᓪᓗᒋᑦ. ᓄᓇᓕᒻᒥ ᐅᕕᒃᑫᑦ ᐊᐅᓚᔾᔭᒍᑎᖏᑦᑕ ᑮᓇᐅᔦᑦ ᓴᐳᒻᒥᔪᖅ ᑫᒥᑦᓯᓱᓂᓗ ᐱᓇᓱᐊᕐᓂᐅᔪᓂᒃ ᐃᓅᓱᑦᑐᓄᑦ ᐅᑭᐅᓕᓐᓄᑦ 15-ᓂᒃ 35-ᓄᑦ ᐃᓕᖓᓂᐊᕐᓗᑎᒃ ᐃᓗᕐᖁᓯᕐᓅᓕᖓᔪᓂᒃ, ᓇᒻᒥᓂᕐᓗ ᐅᑉᐱᕆᔭᖃᕆᐅᕐᓴᓂᕐᒧᑦ, ᐱᕙᓪᓕᐊᑎᑦᓯᓂᕐᒧᓗ ᓯᕗᓕᕆᐅᕐᓴᓂᕐᒥᒃ, ᖁᕝᕙᓰᒋᐊᕐᑎᓯᓂᕐᒥᓗ ᖃᐅᑕᒫᑦ ᐃᓅᓯᕆᔭᖏᓐᓂᒃ ᐅᕝᕙᓘᓐᓃᑦ ᑐᓴᐅᒪᖃᑎᒌᓐᓂᑎᒍᑦ ᐃᓕᓐᓂᐊᑎᑦᓯᓂᕐᒨᓕᖓᔪᐃᓪᓗ ᐱᕕᑦᓴᐅᒍᓐᓇᑐᐃᑦ.
ᖃᕐᔪᐃᑦ ᐅᕕᒃᑫᑦ ᑲᑎᖕᖓᔨᖏᑦ ᑲᒪᒋᔭᖃᕆᐊᖃᓲᑦ LYAF ᐋᕐᕿᓯᒪᐅᑎᑦᓴᖏᓐᓂ, ᐃᑲᔪᕐᑐᓗᒋᑦ ᐅᕕᒃᑫᑦ ᐃᓕᒐᓱᐊᕐᓂᖏᓐᓂ, ᑐᓂᕐᕈᑎᖃᖃᑦᑕᓂᒃᑯᑦ ᑮᓇᐅᔭᓂᑦ ᐊᒻᒪᓗ ᑲᒪᒋᓗᒋᑦ ᐊᑐᓂ ᑮᓇᐅᔦᑦ ᑐᓂᔭᐅᔪᑦ ᓈᒻᒪᓈᑦᓯᐊᕋᓗᐊᕐᒪᖔᑕ ᐱᓇᓱᐊᕋᑦᓴᖏᓐᓄᑦ.
ᑐᑦᓯᕋᐅᑎᖃᒍᒪᒍᓂ ᑮᓇᐅᔭᓂᒃ, ᖃᕆᑕᐅᔭᑎᒍᑦ ᐊᓪᓚᕕᖃᕆᑦ ᐅᕙᑦᑎᓄᑦ ᐅᕗᖓ project.manager@qarjuit.ca ᑎᑭᑕᐅᓂᐊᕋᕕᑦ ᑕᑕᕐᓴᒐᑦᓴᔭᒧᑦ ᐅᕝᕙᓗᓘᓐᓃᑦ ᒪᓕᓪᓗᒋᑦ ᐃᒣᓘᕐᓗᒎᒍᑏᑦ ᐊᑖᓃᑦᑐᑦ.
ᑕᑯᒋᐊᕆᑦ ᐆᒥᖓ ᑕᕐᕋᓕᔮᕌᐱᒻᒥᒃ ᑐᑭᓯᒋᐊᕈᑎᓕᒫᓂᒃ ᐱᕕᖃᓂᐊᕋᕕᑦ ᑕᒪᑦᓱᒪ ᓄᓇᓕᒻᒨᓕᖓᔫᑉ ᐊᑐᐃᓐᓇᐅᑎᑕᐅᔪᑦ ᑮᓇᐅᔦᑦ.
ᓯᕗᓂᐊᒍᑦ ᑮᓇᐅᔭᖃᕐᑎᑕᐅᔪᕕᓃᑦ ᐱᓇᓱᐊᕐᓂᕕᓃᑦ
ᐊᐱᕆᐅᑏᑦ & ᑭᐅᒍᑏᓪᓗ
ᐊᐱᕆᐅᑎᒃ 1: ᓱᓇᕚ ᓄᓇᓕᒻᒥ ᐅᕕᒃᑫᑦ ᖃᓄᐃᓘᕐᓂᓄᑦ ᑮᓇᐅᔭᖃᕐᑎᓯᒍᑎᒃ (LYAF)?
ᑭᐅᒍᑎᒃ: ᓄᓇᓕᒻᒥ ᐅᕕᒃᑫᑦ ᖃᓄᐃᓘᕐᓂᓄᑦ ᖀᓇᐅᔭᖃᕐᑎᓯᒍᑎᒃ ᓴᐳᔾᔨᕗᖅ ᑫᓪᓗᑐᐃᑦᓱᓂᓗ ᐅᑭᐅᓕᓐᓂᒃ 15-ᓂ 35-ᓄᑦ ᐃᒫᒃ: ᓄᐃᑦᓯᓗᑎᒃ ᐱᕕᑦᓴᐅᒐᔭᕐᑐᓂᒃ ᐃᓚᐅᓕᕐᓂᒧᑦ ᖃᓄᐃᓘᕐᓂᖃᓂᐊᕐᓗᓂ ᓄᓇᓕᒻᒥ ᓄᓇᓕᒻᒥᐅᓚᕆᓐᓂᑎᒍᑦ; ᓅᑦᓯᓗᓂ ᐃᓄᐃᑦ ᐃᓕᑕᕆᔭᐅᒍᑎᖓᓂᒃ, ᐃᓗᕐᖁᓯᑎᒍᑦ ᓯᕗᓪᓕᕕᓂᑦᑕᓗ ᐊᑑᑎᓲᕕᓂᖏᓐᓂᒃ; ᐱᕈᕐᓭᓗᓂ ᓇᒻᒥᓂᖅ ᐅᑉᐱᕆᔭᖃᕐᓂᒥᒃ, ᑲᑦᓱᙰᑦᑑᓂᕐᒥᒃ ᐊᒻᒪᓗ ᓇᒻᒥᓂᖅ-ᐅᖃᒍᓐᓇᓂᕐᒥᒃ; ᐱᕙᓪᓕᐊᑎᑦᓯᓗᓂᓗ ᐃᒻᒥᓂᕐᓱᒍᓐᓇᓗᑎᒃ ᐃᓱᒪᒋᔭᒥᑎᒍᑦ; ᖁᕝᕙᓕᐅᒥᓗᑎᒃ ᐃᓅᓯᕐᒥᒃ ᐱᒍᓐᓇᓂᕐᒨᓕᖓᔪᑦᑕ ᖃᐅᔨᒪᐅᓯᓂᒃ ᐃᓕᓐᓂᐊᓂᕐᑎᒍᓪᓗ.
ᐊᐱᕆᐅᑎᒃ 2: ᖃᓄᕆᓐᓈ ᑎᑭᑕᐅᒍᓐᓇᕿᑦ ᑮᓇᐅᔭᓂᒃ ᓄᓇᓕᓐᓂ ᐱᓇᓱᐊᕐᓂᕆᕋᔭᕐᑕᐱᑦ?
ᑭᐅᒍᑎᒃ: ᑕᑕᕐᓴᓗᒍ ᐃᓚᕐᖁᐊᖅ 1 (ᐱᓇᓱᐊᒐᑦᓴᖅ ᐃᓕᒐᓱᐊᕐᓂᒧᑦ ᑕᑕᕐᓴᒐᑦᓴᔭᖅ) ᐊᒻᒪᓗ ᐃᓚᕐᖁᐊᖅ 2 (ᐱᓇᓱᐊᒐᑦᓴᖅ ᓴᐳᒻᒥᔩᑦ ᐊᓪᓚᓯᒪᔪᐃᑦ) ᑕᒥᒋᓪᓗ ᐊᓪᓚᓯᔫᒃ ᐅᑎᕐᑎᓗᒋᒃ ᐅᕗᖓ fund@qarjuit.ca, ᓱᑲᑦᑐᑭᒍ ᐅᕗᖓ 819 964-3153 ᐅᕝᕙᓘᓐᓃᑦ ᐊᓪᓚᑖᕐᕕᑎᒍᑦ ᐅᕗᖓ P.O. Box 1300, ᑰᔾᔪᐊᖅ, ᑯᐯᒃ, J0M 1C0.
ᐊᑏ, ᓱᕐᖁᐃᓱᑦᓯᐊᕆᑦ ᑎᑭᑕᐅᓚᖓᒋᐊᒥᒃ ᓇᓗᓀᕐᓯᔪᒥᒃ ᑎᑭᑕᕕᓂᐅᒋᐊᖓ ᖃᕐᔪᐃᑦ ᐅᕕᒃᑫᑦ ᑲᑎᒪᔨᖏᓐᓂᒃ ᑎᑭᑕᐅᓐᓂᖏᒃᑯᕕᒃ ᐅᖄᓚᒋᑦ ᐅᕙᑦᑎᓄᑦ ᖃᐅᔨᒋᐊᕐᓗᑎᒃ.
ᐊᐱᕆᐅᑎᒃ 3: ᐱᓇᓱᐊᕐᕈᒪᔭᕌ ᐱᕕᖃᕐᖃ ᑮᓇᐅᔭᕐᑖᒍᓐᓇᓂᕐᒧᑦ ᖃᕐᔪᐃᑦ ᐅᕕᒃᑫᑦ ᑲᑎᒪᔨᒃᑯᖏᓐᓂᒃ?
ᑭᐅᒍᑎᒃ: ᐃᓕᒍᓐᓇᓂᕐᒧᑦ, ᐱᓇᓱᐊᕈᒪᔦᑦ ᓵᖕᖓᓯᒋᐊᓕᒃ ᐃᓚᖓᓐᓂᒃ ᑖᒃᑯᓂᖓ ᐊᒥᓱᐃᓂᒃ ᑐᕌᒐᐅᔪᓂᒃ ᐅᖃᕐᑕᐅᔪᓂᒃ ᐊᐱᕆᐅᑎᒃ 1-ᒥ. ᐱᓗᐊᕐᑐᒥᒃ, ᑮᓇᐅᔦᒍᒪᑐᐊᕈᓂ, ᖃᕐᔪᐃᑦ ᐅᕕᒃᑫᑦ ᑲᑎᒪᔨᖏᑦ ᑭᖕᖒᒪᑦᓯᓚᖓᔪᑦ ᓇᓗᓀᕐᓯᒍᑎᓪᓚᕆᒻᒥᒃ ᑭᓯᑦᓯᒍᑎᒥᒃ ᑯᐯᒃᑯᓂᒃ ᐱᓯᒪᔪᒥᒃ. ᐃᓕᒍᓐᓇᑐᐃᑦ ᐃᓕᒐᓱᐊᕐᓯᒪᔪᑦ ᑮᓇᐅᔦᓕᕿᓂᕐᒧᑦ ᐅᑯᐊᖑᔪᑦ: ᖄᖏᕐᓂᑯᓕᐅᕐᑎᐅᖏᑦᑐᑦ ᑎᒥᐅᔪᑦ, ᑯᐊᐯᑦ, ᑲᕙᒫᐲᑦ/ᐅᑭᐅᕐᑕᑐᒥᒃ ᓄᓇᓖᑦ, ᐊᓯᖏᓪᓗ.
ᐊᐱᕆᐅᑎᒃ 4: ᑐᑦᓯᕋᐅᑎᓕᐅᒍᓐᓇᖁᖔ ᑮᓇᐅᔭᓂᒃ ᐅᕕᒃᑫᑦ ᑲᑎᒪᔨᖏᓐᓄ ᑲᑎᒪᔨᐅᒍᒪ, ᐃᒻᒥᒍᑦ ᐊᒥᓱᐃᓃᒍᒪ, ᐃᓕᓐᓂᐊᑎᓄᑦ ᑲᑎᒪᔨᐅᒍᒪ ᐅᕝᕙᓘᓐᓃᑦ ᐊᓯᖏᓐᓄ ᐃᓕᑕᕆᔭᐅᒍᑎᖃᖕᖏᑐᓄᑦ ᑎᒥᐅᔪᓄᑦ?
ᑭᐅᒍᑎᒃ: ᐋ, ᑭᓯᐊᓂ ᐃᓚᖃᒋᐊᖃᕋᔭᕐᖁᑎᑦ ᐃᓕᑕᕆᔭᐅᔪᒥᒃ ᐱᒍᓐᓇᑐᒥᒃ ᓄᓇᓕᒻᒥ ᑎᒥᐅᔪᒥᒃ ᑮᓇᐅᔭᕐᑖᓚᖓᑐᐊᕈᕕᑦ (ᐆᑦᑑᑎᒋᓗᒋᑦ ᑲᕙᒫᐱᒃᑯᑦ, ᑯᐊᐸᒃᑯ, ᐊᓯᖏᓪᓗ)
ᐊᐱᕆᐅᑎᒃ 5: ᖄᖔ ᑐᑦᓯᕋᐅᑎᓕᐅᒍᓐᓇᖁᖓ ᓄᓇᓕᒻᒥ ᐅᕕᒃᑫᑦ ᖃᓄᐃᓘᕐᓂᓄᑦ ᑮᓇᐅᔭᖃᕐᑎᓯᒍᓐᓇᑐᒃᑯᓄ?
ᑭᐅᒍᑎᒃ: ᑌᒪᖕᖓᓕᒫᖅ. ᑐᔪᐃᒍᓐᓇᖁᑎᑦ ᑐᑦᓯᕋᐅᑎᑎᓐᓂᒃ ᖃᖓᑐᐃᓐᓇᓕᒫᖅ ᐊᕐᕌᒍᓕᒫᒥ. ᐱᓇᓱᐊᖃᑎᕗᑦ ᕿᒥᕐᕈᓂᖃᓲᑦ ᑐᑦᓯᕋᐅᑎᓂᒃ ᐱᖓᓱᕕᑦᓱᑎᒃ ᐊᕐᕌᒍᒥ.
ᐊᐱᕆᐅᑎᒃ 6: ᖃᑦᓰᓂᒃᑯᐊ ᐅᓄᕐᓂᐸᐅᑦᓱᑎᒃ ᑮᓇᐅᔭᑎᒍᑦ ᐃᑲᔪᕐᓯᒍᑎᐅᓲᑦ ᐱᒍᓐᓇᑕᒃᑲ ᐱᓇᓱᐊᕈᒪᔭᕋᓄᑦ?
ᑭᐅᒍᑎᒃ: ᑌᒪ, ᐅᓄᕐᓂᐸᐅᑎᓪᓗᒋᑦ 10 000$ ᐊᑐᓂ ᐱᓇᓱᐊᕐᑕᐅᒍᒪᔪᑦ ᑐᕌᒐᓕᓐᓂᒃ ᐃᓗᓐᓈᒍᑦ ᑮᓇᐅᔭᕐᑐᒍᑎᖃᒐᔭᕐᓗᑎᒃ ᐃᒣᓪᓗᐊᑐᓂᒃ $150,000.00 ᐃᓗᓐᓇᖏᓐᓄᑦ 15 ᓄᓇᓕᓐᓄᑦ ᑭᒡᒐᑐᕐᑕᑎᓐᓄᑦ.
ᐊᐱᕆᐅᑎᒃ 7: ᓱᓀᓂᒃᑯᐊ ᑮᓇᐅᔭᕐᑐᒍᑎᐅᒍᓐᓇᑐᑦ ᑐᑦᓯᕋᐅᑎᒋᒍᓐᓇᑕᒃᑲ?
ᑭᐅᒍᑎᒃ:
· ᓂᖀᑦ ᐅᕝᕙᓘᓐᓃᑦ ᓂᕆᒍᑏᑦ (ᖃᐅᑕᒫᑦ ᐊᑮᑦ $100.00/ᐊᑕᐅᓯᖅ ᐃᓄᒃ (ᑕᕐᕋᒥ) ᐊᒻᒪᓗ $85.00/ᐊᑕᐅᓯᖅ ᐃᓄᒃ (ᓯᕿᓂᕐᒥ)
· ᐱᒍᓐᓇᓂᓕᐅᑉ ᐊᑭᓕᕐᑕᐅᒍᑏᑦ ᑲᑎᒪᔨᐅᒍᑏᓪᓗ
· ᐃᖏᕐᕋᐅᑎᓂᒃ ᐊᑦᑕᑐᕐᓃᑦ (ᐅᓄᕐᓂᐸᐅᑎᓪᓗᒋᑦ$125.00/ᐅᓪᓗᑕᒫᑦ)
· ᖃᕆᐊᓂᒃ ᐊᑦᑕᑐᕈᑏᑦ (ᐆᑦᑑᑎᒋᓗᒍ ᑲᑎᖕᖓᕕᒃ)
· ᐊᐅᓚᒍᑏᑦ ᐊᑭᖏᑦ (ᐊᐅᓚᒍᑏᑦ ᐊᑭᖏᑦ ᐅᑎᕐᕕᐅᒍᑎᐅᑐᐃᓐᓇᕆᐊᓖᑦ ᓄᓇᓕᓕᒫᑎᒍᑦ ᐊᐅᓚᓂᖃᒍᑕᐅᑉᐸᑭᓯᐊᓂ ᓄᓇᕕᒻᒥ ᑦᓯᓵᓯᐱᒥᓪᓗ. ᖃᖓᑕᓃᑦ ᓯᕿᓂᕐᒧᐊᖓᔪᑦ ᐊᖏᕐᑕᐅᒐᔭᖕᖏᑐᑦ.)
· ᓯᓂᕐᑕᒍᑏᑦ ᐊᑭᖏᑦ (ᐅᓄᕐᓂᐸᐅᑎᓪᓗᒋᑦ $250.00/ᐅᓐᓄᑕᒫᑦ/ᐃᓄᒃ ᐊᑕᐅᓯᖅ (ᑕᕐᕋᒥ) ᐊᒻᒪᓗ $125.00/ᐅᓐᓄᑕᒫᑦ/ᐃᓄᒃ (ᓯᕿᓂᕐᒥ)
· ᐱᒋᐅᕐᓴᑎᑦᓯᓂᕐᒧᑦ ᐊᑮᑦ
· ᐊᓪᓚᕕᓕᕆᔭᐅᓂᕐᒧᑦ ᖀᓇᐅᔭᕐᑑᑏᑦ (ᐊᓪᓚᑖᕐᕕᒧᑦ, ᐊᒥᓱᖕᖑᑎᕆᓂᕐᒧᑦ ᐊᓯᖏᓪᓗ)
· ᖃᓄᐃᑦᑐᑐᐃᓐᓀᑦ ᐱᐅᒡᒍᑏᑦ
ᐊᐱᕆᐅᑎᒃ 8: ᓱᓀᓂᒃᑯᐊ ᐃᓚᐅᒍᓐᓇᖏᑦᑐᑦ ᐊᑮᑦ ᑮᓇᐅᔭᕐᑑᑎᕕᓃᓪᓗ?
ᑭᐅᒍᑎᒃ: ᑮᓇᐅᔭᕐᑑᑎᕕᓃᑦ ᐆᑦᑑᑎᒋᓗᒍ ᓂᐅᕕᕐᓂᖅ ᐊᐅᓚᔪᓕᒻᒥ ᐃᖏᕐᕋᐅᑎᒥᒃ ᐃᓕᑕᕆᔭᐅᒍᑎᑖᑐᐃᓐᓇᕆᐊᓕᒻᒥᒃ, ᑭᒡᒐᑐᕐᓂᒧᑦ ᐊᑮᑦ, ᑐᓂᕐᕈᓯᐊᑦ, ᐃᑲᔪᕐᓯᓃᑦ, ᐱᐅᒡᒍᑎᒻᒪᕇᒃ, ᑮᓇᐅᔾᔭᓵᑦ ᐅᕝᕙᓘᓐᓃᑦ ᑲᑎᖕᖓᔨᐅᒍᑏᑦ ᐱᓇᓱᐊᕐᑕᐅᓂᕐᒧᑦ ᐃᓚᐅᔪᕕᓃᑦ ᐅᕝᕙᓘᓃᑦ ᑲᑎᒪᔩᑦ ᐃᓚᐅᔪᑦ, ᐊᑭᓖᓂᖅ ᓄᐊᑦᑐᕕᓂᕐᓂᒃ ᐊᑭᓕᑦᓴᓂᒃ, ᐃᓚᐅᒍᓐᓇᖏᑦᑐᑦ.
ᐊᐱᕆᐅᑎᒃ 9: ᖃᓄᐃᓐᓈ ᓂᕆᐅᒐᔭᕐᖁᖓ ᐃᒣᓕᖓᓂᖓᓂᒃ ᐊᑭᓖᓂᐅᓲᑉ ᐱᐅᓯᕆᓲᖓᓂᒃ?
ᑭᐅᒍᑎᒃ: ᑐᕃᓐᓇᑐᒃᑯᑦ ᐅᕝᕙᓘᓐᓃᑦ ᑮᓇᐅᔭᑦᓴᔭᖅ ᑐᔫᑎᐅᒐᔭᕐᑐᖅ ᐊᓂᒍᐃᑦᓯᐊᑐᕕᓂᕐᓄᑦ ᑐᑦᓯᕋᐅᑎᓕᐅᕐᓯᒪᔪᓄᑦ ᐊᑎᓕᐅᕐᑕᐅᒪᓕᕐᐸᑦ ᐊᖏᖃᑎᒌᒍᑎᐊᐱᒃ. ᑖᓚᑐᐃᓐᓀᑦ ᑐᔫᑎᐅᑐᐃᓐᓇᖃᔭᖕᖏᑐᑦ ᓇᐅᒃᑯᒐᓛᐱᓪᓘᓃᑦ.
ᓯᕗᓪᓕᐹᖅ ᐊᑭᓖᒍᑎᒃ ᑐᑭᖃᒍᑎᓕᒃ 70 % ᐊᖏᕐᑕᐅᔪᕕᓃᑦ ᑮᓇᐅᔦᑦ ᑐᔫᑎᐅᒐᔭᕐᑐᑦ ᑎᒥᐅᔪᒧᑦ ᐅᓪᓗᐃᑦ 30 ᐃᓗᐊᓂ ᐱᓇᓱᐊᕐᑕᐅᒍᒪᔪᖅ ᐊᖏᕐᑕᕕᓂᐅᑉᐸᑦ.
30 % ᐊᒥᐊᒃᑯᖏᑦ ᐅᑕᕐᕿᑎᑕᐅᒐᔭᕐᑐᑦ ᐅᑯᐊ ᙯᑕᐅᖕᖏᓂᓕᒫᖏᓐᓂ:
– ᐊᑭᓕᕐᑕᐅᒍᒪᐅᑎᓕᒫᑦ ᐊᓪᓚᓯᒪᔪᑦ ᐅᓄᕐᓂᖓ ᐅᑎᕐᑐᓴᐅᖕᖕᑑᑉ, ᐃᓚᖃᕐᓗᓂ ᑮᓇᐅᔭᕐᑑᑎᕕᓂᓕᒫᓂᒃ;
– ᐊᔾᔨᖓ ᐊᓪᓚᓯᒪᔪᖅ ᑮᓇᐅᔭᕐᑐᑎᕕᓂᓕᒫ ᓱᕐᖁᐃᒍᑎᖏᑦ.
– ᐃᓚᕐᖁᐊᖅ ᓯᑕᒪᖓ – ᐃᓱᐊᑕ ᐱᓇᓱᐊᕐᓂᐅᑉ ᑐᓴᕐᑎᓯᐅᑎᖓ ᐃᓚᖃᕐᓗᑎᓗ ᐊᔾᔨᖑᐊᓂᒃ ᑕᑯᑦᓴᐅᑎᑦᓯᔪᓂᒃ ᐱᓇᓱᐊᕐᓂᕕᓂᐅᑉ ᖃᓄᐃᓕᖓᓕᕐᓂᖓᓂᒃ.
ᐊᐱᕆᐅᑎᒃ 10: ᖃᓄᕆᓐᓈ ᓴᐳᒻᒥᔭᐅᒐᔭᕐᖁᖓ ᐱᒐᓱᐊᕐᑎᓗᒐ ᓄᓇᓕᒻᒥ ᐅᕕᒃᑫᑦ ᖃᓄᐃᓘᕐᓂᓄᑦ ᑮᓇᐅᔭᖃᕐᑎᓯᒍᑎᐅᔪᒧᑦ?
ᑭᐅᒍᑎᒃ: ᐊᐱᕆᐅᑎᑦᓴᖃᕈᓂ ᐱᔾᔪᑎᒋᓗᒍ ᓄᓇᓕᒻᒥ ᐅᕕᒃᑫᑦ ᖃᓄᐃᓘᕐᓂᓄᑦ ᖀᓇᐅᔭᖃᕐᑎᓯᒍᑏᑦ ᐅᕝᕙᓘᓐᓃᑦ ᐃᑲᔪᕐᑕᐅᒍᒪᒍᓂ, ᖃᐅᔨᒋᐊᕆᑦ ᖃᕐᔪᐃᑦ ᐅᕕᒃᑫᑦ ᑲᑎᒪᔨᖏᑦᑕ ᐱᓇᓱᐊᕐᑎᖏᓐᓄ ᐅᕗᖓ ᐊᓪᓚᓗᑎ ᖃᕆᑕᐅᔭᑎᒍᑦ fund@qarjuit.ca ᐅᕝᕙᓘᓐᓃᑦ ᐅᖄᓚᐅᑎᑎᒍᑦ ᐅᕗᖓ 819 964-1127 ᐊᒻᒪᓗ/ᐅᕝᕙᓘᓐᓃᑦ 514-691-1193 (ᖃᕐᔪᐃᑦ ᐅᕕᒃᑫᑦ ᑲᑎᒪᔨᖏᑦᑕ ᐱᓇᓱᐊᕐᓂᒧᑦ ᑲᒪᔨᒻᒪᕆᖓᓄᑦ).