ᓄᓇᓕᓕᒫᑎᒍᑦ ᐱᑐᑦᓯᒪᖃᑎᒌᓐᓂᐅᑉ ᐊᕐᕕᑕᕐᓂᖓ ᐃᓱᒪᓯᐅᕆᓃᓪᓗ
ᐃᓂᓪᓚᑎᓂᕐᒦᑎᓗᒋ ᐅᕕᒃᑫᑦ ᑐᖕᖓᕕᒋᓪᓚᕆᓯᒪᔭᖏᑦᑕ ᐱᒋᐊᕐᓂᖓᓂᒃ ᓴᐳᒻᒥᓗᒋᓪᓗ ᓯᕗᓕᕐᑎᓗᒋᑦ ᓇᒻᒥᓂᕆᔭᕐᒥᑕ ᐱᒋᐊᕐᑎᓯᒪᔭᖏᓐᓂᒃ ᐱᓇᓱᐊᕐᓂᖏᑦᑕᓗ ᓈᒻᒪᓈᕐᑐᖁᑎᒋᔭᖏᓐᓄ ᑭᖕᖒᒪᒋᔭᖏᓐᓄᑦ ᓯᓐᓇᑑᒪᒋᔭᖏᓐᓄᓗ.
ᓄᓇᓕᓕᒫᑎᒍᑦ ᐃᓱᒪᓯᐅᕆᓂᕐᒧᑦ ᐊᕐᕕᑕᕐᓂᖅ
ᖃᕐᔪᐃᑦ ᐅᕕᒃᑫᑦ ᑲᑎᒪᔨᖏᑦ ᓄᐃᑦᓯᒍᒪᕗᑦ ᐃᓚᒌᒍᓯᐅᔪᓂᒃ ᑖᒃᑯᐊᓂ ᐅᕕᒃᑫᓗ ᑲᑎᒪᔨᖁᑎᖏᓪᓗ ᑕᕝᕙᓂ ᐊᕐᕕᑕᕐᓂᐅᓚᐅᕐᓯᒪᖕᖏᑐᒥ ᓄᓇᓕᓕᒫᑎᒍᑦ ᐃᓱᒪᓯᐅᕆᓗᑎᓪᓗ ᐱᕕᖃᕐᑎᓯᓂᐊᕐᒪᑦ ᑎᒥᖁᑎᒋᔭᑦᑎᓂᒃ ᓱᓕᓪᓚᕆᑦᑐᒥᒃ ᑎᓪᓕᓂᕆᔭᖏᓐᓂᒃ ᐃᓄᐃᑦ ᐅᕕᒃᑫᑦ ᓯᕗᓪᓕᐅᔭᐅᖁᔭᖏᓐᓂᒃ, ᓯᓐᓇᑑᒪᒋᔭᖏᓐᓂᒃ ᐃᓱᒪᒋᔭᖏᓐᓂᓗ. ᑖᓐᓇ ᐃᓱᒪᓯᐅᕆᓂᖅ ᐊᕐᕕᑕᕐᓂᖅ ᐱᕕᑦᓴᖃᕐᑎᓯᒐᔭᕐᓱᓂ ᑎᒥᖁᑎᒋᔭᑦᑎᓂᒃ ᐊᑐᐃᓐᓇᕈᕐᑎᓂᕐᒧᑦ ᓄᑖᒥᒃ ᐸᕐᓀᓯᒪᐅᑎᓕᐅᕐᓂᐅᑉ ᐊᐅᓚᔾᔭᒋᐊᕈᑎᑦᓭᑦ ᐸᕐᓀᓯᒪᐅᑎᑦᓴᖓᓂᒃ ᐊᕐᕌᒍᓂ ᙯᓚᖓᔪᓂᒃ, ᑕᑯᑦᓴᐅᑎᑦᓯᒋᐊᓪᓚᓗᓂᓗ ᖃᕐᔪᐃᑦ ᐅᕕᒃᑫᑦ ᑲᑎᒪᔨᖏᑦᑕ ᑎᓕᔭᐅᒪᐅᑎᖓᓂᒃ ᐱᓇᓱᐊᕈᒪᔭᖏᓐᓂᓗ.
ᐅᕕᒃᑫᑦ ᑕᑯᓐᓇᑕᖏᑎᒍᑦ – ᐅᓐᓂᑑᑏᑦ
ᐊᑐᐃᓐᓇᐅᓂᕐᓴᐅᒋᐊᓖᑦ ᓄᓇᕕᒻᒥ ᑯᐯᒃᓕᒫᑉ ᐃᓗᐊᓂ, ᑭᓯᐊᓂ ᒫᓐᓇᐅᔪᖅ ᑕᑯᓐᓇᓱᒍ ᒧᒥᖕᖓᓚᕆᑦᑐᖅ.
ᐃᓱᒪᒃᑯᑦ ᖃᓄᐃᖕᖏᓯᐊᕐᓂᒨᓕᖓᔪᓂᒃ ᐊᒻᒪᓗ ᐃᓕᓐᓂᐊᑎᑕᐅᓃᑦ ᓄᓇᓕᓐᓂ ᐱᕕᑦᓴᐅᓯᐊᖕᖏᑐᑦ ᐊᒻᒪᓗ ᓱᒋᐊᕈᑎᓪᓚᕆᐅᒋᐊᖃᕐᓱᑎᒃ ᑭᖕᖒᒪᒋᔭᐅᔪᑎᒍᑦ ᑕᒪᒃᑯᐊ ᐃᓗᕐᖁᓯᕐᑎᒍᑦ ᐃᓕᓐᓂᐊᑎᑕᐅᓃᑦ ᐊᒻᒪᓗ ᐃᓱᒪᒃᑯᑦ ᖃᓄᐃᖕᖏᓯᐊᕐᓂᓕᕆᕖᑦ ᐃᓄᑦᑎᑐᑦ, ᓲᖑᓯᒋᐊᕐᑕᐅᑎᓗᒋᑦ ᐃᓄᐃᑦ ᐃᓗᕐᖁᓯᖓᑦ ᐊᒻᒪᓗ ᑭᓇᐅᓂᖏᑦ.
ᐃᓄᑦᑎᑑᕐᑐᐃᑦ ᐃᓕᓐᓂᐊᑎᑕᐅᒍᑎᐅᓲᑦ ᐅᕕᒃᑲᓄᑦ ᓲᖑᓯᒋᐊᕐᓗᒋᑦ;
ᓴᐳᒻᒥᓗᒋᑦ ᐃᓄᓐᓄᑦ ᐊᐅᓚᑕᐅᔪᑦ ᐃᓱᒪᒃᑯᑦ ᖃᓄᐃᖕᖏᓯᐊᕐᓂᓕᕆᕖᑦ;
ᖃᓂᑕᒌᓕᐅᒥᒐᓱᐊᕐᓂᖏᑦ ᐃᓄᐃᑦ ᓄᓇᖃᕐᖄᓯᒪᔪᔦᓪᓗ ᓄᓇᖃᕐᖄᓯᒪᔫᖕᖏᑐᐃᓪᓗ;
ᐱᔪᓐᓇᓯᑎᑦᓯᓂᖅ ᐃᓄᓐᓂᒃ ᐃᓕᓐᓂᐊᕈᑎᑦᓴᓕᐅᕐᓂᑯᑦ ᐅᖃᐅᓯᓪᓚᕆᖏᑎᒍᑦ ᐃᓕᓐᓂᐊᖁᓪᓗᒋᑦ;
ᐊᑦᑕᓇᖕᖏᑐᒥᒃ ᓱᖃᑦᓯᕕᓕᐅᕐᓂᖅ ᐅᕕᒃᑫᑦ ᑲᑎᕝᕕᒋᕈᓐᓇᑕᖓᓂᑦ ᐃᓕᑦᓯᕕᒋᕈᓐᓇᑕᖓᓂᓪᓗ;
ᐅᕕᒃᑲᓂᒃ ᐃᓚᐅᓕᕐᑎᓯᓂᖅ ᐊᐅᓚᑦᓯᒍᓐᓇᐸᓪᓕᐊᖁᓪᓗᒋᑦ ᓱᖃᑦᓯᑎᖃᑦᑕᓗᒋᑦ ᐃᓕᓐᓂᐊᑎᖃᑦᑕᓗᒋᓪᓗ ᐱᑐᑦᓯᒪᓂᒃᑯᑦ ᓄᓇᒥ ᐊᒻᒪᓗ ᐱᕐᖁᓯᑐᖃᕐᓂᑦ;
