ᐱᓇᓱᖃᑎᒋᑎᒍᑦ
ᐱᓇᓱᖃᑎᒋᑎᒍᑦ

ᐃᑦᔭᕋᑦᓴᓯᐊᖑᓂᖅ ᐃᒻᒥᓄᑦ ᐅᑉᐱᒋᔭᖃᕐᓂᒥᒃ ᑐᓴᐅᒪᔭᐅᑎᑦᓯᓂᖅ

ᐃᑦᔭᕋᑦᓴᓯᐊᖑᓂᖅ ᓯᐊᒻᒪᑎᑦᓯᒍᑎᐅᒍᒪᕗᖅ ᐱᐅᔪᓂᒃ, ᐅᐱᒍᓱᓐᓂᒥᒃ ᓇᓪᓕᓂᕐᒥᓗ ᓄᓇᕕᒻᒥ. ᐃᓕᓐᓂᒃ ᑕᒪᓐᓇ ᐱᒋᐊᕐᑐᖅ. ᑕᒪᑦᓱᒧᖓ ᐊᐅᓚᑦᔭᕆᐊᕐᓂᒧᑦ ᐃᓚᐅᒋᑦ!

ᑖᓐᓇ ᐱᔭᐅᑎᑕᐅᔪᖅ ᐃᒻᒥᓄᑦ ᐅᑉᐱᒋᔭᖃᕐᓂᒥᒃ ᑐᓴᐅᒪᔭᐅᑎᑦᓯᓂᖅ ᐃᑲᔪᕐᓯᐅᑎᑦᓴᐅᓱᓂ ᐅᕕᒃᑲᓂᑦ ᐃᒻᒥᓄᑦ ᓇᓗᓀᔭᕐᑐᓴᐅᓂᖏᑦ ᐱᓇᓱᐊᕐᓯᒪᔭᖏᓐᓂ ᐃᒻᒥᒍᑦ ᐊᒻᒪᓗ ᐊᓯᒥᓄᑦ. ᑖᓐᓇ ᑕᑯᑦᓴᐅᑎᑦᓯᒍᑎᑦᓴᐅᕗᖅ ᒥᑭᔪᐊᐱᐅᒐᓗᐊᒥᒃ ᐱᓇᓱᐊᕐᓯᒪᑦᓱᓂ ᐊᒻᒪᓗ ᐱᔭᕇᕐᓱᓂ ᐊᑐᕐᓂᖃᓪᓚᕆᓐᓂᖓᓄᑦ ᐃᒻᒥᓂᒃ ᐅᐱᒍᓱᑦᓱᓂ!

ᓱᓇ ᓂᕆᐅᒋᔭᐅᕙ
ᐃᓄᐃᑦ ᐊᔪᐃᓐᓈᕆᑦᓱᒍ ᐱᔭᕆᓯᒪᔭᒥᓂᒃ ᐅᓂᒃᑳᖁᔭᐅᕗᑦ ᓇᒻᒥᓂᖅ ᐅᕝᕙᓘᓐᓃᑦ ᐅᕕᒃᑲᒥᒃ ᖃᐅᔨᒪᔭᒥᓂᒃ. ᐱᐅᔪᓂᒃ ᐃᑲᔪᕐᓯᔭᐅᓇᕐᑐᓂᓪᓗ ᑐᓴᕐᑕᐅᑎᑦᓯᒍᓐᓇᑐᑦ ᑕᕐᕋᓕᔮᑎᒍᓪᓘᓃᑦ ᖃᕆᑕᐅᔭᒃᑯᑦ ᑕᑯᑦᓴᐅᕕᒃᑯᑦ ᐃᒫᒃ ᐊᓪᓚᓗᒍ #bethespark ᐅᕝᕙᓘᓐᓃᑦ ᑕᑕᕐᓴᒐᕐᓃᑐᖅ ᑕᑕᕐᓴᒐᖅ ᑕᑕᕐᓴᓗᒍ ᐅᕙᓂ. (please see the form)

ᑭᖑᓪᓕᒥ ᐊᓪᓚᓂᐊᒐᓕᐅᓛᓕᕐᒥᔪᑦ: ᒫᑦᔨ 2024-ᒥ

ᖃᐅᒻᒪᓚᕕᓂᕆᔭᕗᑦ (ᖃᐅᒻᒪᓚᐅᒋᑦ)

ᑲᑎᕆᓐ ᓚᐸᓛᓐ ᐅᐃᑖᓗᒃᑐᒃ

ᐃᑦᔭᕋᑦᔭᓯᐊᖑᓂᖓᑕ ᐊᑎᖓ
ᐅᕙᖓ

ᖃᐅᔨᒪᔭᕋ
ᐅᑭᐅᖏᑦ
ᐊᔪᐃᓐᓈᒥᓂᒃ ᐱᔭᕇᕐᓯᒪᔭᖓ ᐃᓱᐊᕐᓯᕕᒻᒥ ᐱᓇᓱᒋᐊᖕᖓᓚᐅᔪᕗᖓ ᒪᒥᓴᕐᓂᒥ ᐃᓱᐊᕐᓭᔨᐅᑦᓱᖓ (ᐱᒋᐅᕐᓴᓂᒃᑯᑦ) 2022-ᒥ. ᐅᑭᐅᒥ ᐊᑕᐅᓯᕐᒥ, ᐱᕈᕐᓯᒪᓕᕐᖁᖓ ᐃᓕᑦᓯᕙᓪᓕᐊᓱᖓᓗ ᐊᑦᔨᒌᖕᖏᑐᓂᒃ. ᐊᒥᓱᓂᒃ ᐱᓇᓱᒐᕐᑎᒍᑦ ᓄᑖᓂᒃ ᐱᒋᐅᕐᓯᒪᓕᕐᑐᖓ ᐱᓇᓱᕝᕕᒥ ᐱᒋᐅᕐᓴᓂᕐᒦᓱᖓ, ᑲᑎᒪᓂᐊᕈᓯᕐᑎᒍᑦ ACS-ᑯᓪᓗ ᐱᓇᓱᒐᑦᓴᖏᓐᓂᒃ ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᕕᒻᒥ Marie Victorian College-ᒥ ᐃᓕᓐᓂᐊᓱᖓ. ᑌᒣᒐᓗᐊᕐᑎᓗᒍ, ᐱᒋᐅᕐᓂᐹᕆᓚᐅᔭᕋ ᖁᓪᓕᒥ ᐃᑭᑦᓯᓂᖅ. ᒪᕐᕉᓄᑦ ᐃᒫᙰᕐᑕᐅᓚᐅᔪᖓ ᐃᓄᑐᐃᓐᓈᓄᑦ ᐊᕐᓈᓄᑦ ᐅᕙᓐᓂᒃ ᓴᐳᑦᔨᓚᐅᔫᒃ ᐱᔪᓐᓇᓂᕐᑖᑎᑕᐅᑦᓱᖓᓗ ᐆᑦᑐᕋᕐᓂᒥᒃ ᑌᒣᑕᐅᒐᒪ ᐊᓱᐃᓛ ᓇᓪᓗᕐᖁᑎᒍᓐᓀᓚᐅᔪᕗᖓ ᐱᔪᓐᓇᓂᕋᓂᒃ ᒫᓐᓇ ᑕᒐ ᐃᑭᑦᓯᒍᓐᓇᓕᕐᑐᖓ ᖁᓪᓕᒥᒃ ᐅᐱᒋᓂᒃᑯᑦ ᐊᔪᐃᓐᓈᕋᓂᓗ ᐱᔭᕆᔭᖃᕈᓐᓇᓯᓂᒃᑯᑦ. (ᐊᑦᔨᓕᐊᕕᓂᖓ ᓵᒧᐃᓕ ᓚᑳᔅ)

ᓕᓐᑕ ᑲᐅᑦᓴᐅᓕ

See my reel

ᕉᔅ ᕕᑦᑑᔨᐊ ᐋᑕᒻᔅ

ᕉᔅ ᕕᑦᑑᔨᐅ ᐋᑕᒻᔅᖑᕗᖓ, ᒪᓐᑐᔨᐊᒥᐅᖑᔪᖓ ᑰᕐᔪᐊᒥᐅᔭᐅᑦᓱᖓ, ᓄᓇᕕᒻᒥ. ᒪᑭᐅᓪ ᐃᓕᓐᓂᐊᕕᕐᔪᐊᖓᓂ ᐱᔭᕇᓚᐅᔪᖓ ᒪᕐᕉᓂᒃ ᐱᖁᔭᓕᕆᓂᕐᒥᒃ 2021-ᒥ, ᐊᖏᒻᒪᕆᑦᑎᑕᐅᓚᐅᔪᖓ ᐱᖁᔭᓕᕆᔨᐅᓂᕐᒧᑦ ᔪᓓ 2022-ᒥ. ᑌᒪᖕᖓᓂᑦ ᐱᖁᔭᓕᕆᔨᐅᓂᕐᒥᒃ ᐱᓇᓱᑦᑐᖓ Dionne Schulze, ᐱᖁᔭᓕᕆᓂᕐᒥᒃ ᐱᓇᓱᕝᕕᒃ ᐱᓇᓱᐊᓲᑦ ᓄᓇᖃᕐᖄᓯᒪᔪᑦ ᐃᓄᐃᑦ ᐱᖁᔭᖏᓐᓂᒃ. ᐃᑲᔪᓲᒃᑲ ᓄᓇᖃᕐᖄᓯᒪᔪᑦ ᓄᓇᓕᖏᑦ ᓄᓇᐅᑉ ᐊᕕᑦᑐᓯᒪᓂᖓᓂ ᓇᓂᑐᐃᓐᓈᑐᑦ ᐃᑲᔪᕐᓱᒋᑦ ᖃᓄᐃᑦᑐᑐᐃᓐᓇᑎᒍᑦ ᐃᑲᔪᕐᑕᐅᒍᑎᒋᒋᐊᓕᖏᓐᓂ ᐱᖁᔭᓕᕆᓂᕐᒥ. ᓄᓇᓕᕐᔪᐊᒥᐅᖑᒐᓗᐊᕐᓱᖓ ᐃᓪᓗᒐᓴᕐᔪᐊᓕᒻᒥ, ᖁᕕᐊᓱᓲᖑᕗᖓ ᑰᑦᔪᐊᓕᐊᑫᓐᓇᑐᐊᕋᒪ ᐳᓛᕆᐊᕐᓱᖓ ᐃᓚᒃᑲᓂᒃ. ᐃᓪᓕᓇᕐᓂᓴᖃᖕᖏᓚᖅ ᐃᓚᒃᑲᓄᑦ ᒪᙯᑦᑎᑕᐅᑫᓐᓇᖃᑦᑕᓂᕐᒥᒃ ᐃᓱᒪᓚᕿᓲᖑᒐᒪ ᓱᒧᑦ ᐊᑦᓱᕈᕐᓱᖓ ᐱᓇᓱᓚᕿᓲᖑᒻᒪᖔᕐᒪ ᓄᓇᕗᑦ ᐱᑦᔪᑎᒋᑦᓱᒋᑦ, ᐃᓗᕐᕈᓯᕗᑦ ᐱᔪᓐᓇᐅᑎᕗᓪᓗ. ᓂᕈᐊᕐᑕᕋ ᑰᑎᔅ ᒥᐊᓱ.

ᐃᓄᒃᑎᑐᑦ

“ᓯᐊᓪᑕᓐ ᓂᐱᓴᐅᕗᖓ ᐊᕐᕕᐊᒥᐅᔭᐅᑦᓱᖓ, ᓄᓇᕘᖕᒥ. 3000-ᓃᒐᓛᑦᑐᓂᒃ ᐃᓄᓕᒃ ᓄᓇᓕᒐ. 95 ᐳᓴᓐ ᒥᑦᓵᓃᑦᑐᑦ ᐃᓄᐃᑦ ᐅᖃᐅᓯᕐᖄᒥᓂᒃ ᐅᖄᓲᑦ. ᐃᓗᕐᕈᓯᕗᑦ ᐊᑦᔨᐅᖏᑑᒪᑦ, ᑖᓐᓇ ᖁᕕᐊᓱᒍᑎᒐ ᐃᓄᑐᐃᓐᓇᐅᓂᕋᓂᒃ. ᑭᓇᐅᓂᕋᓂᒃ ᑐᑭᓯᒪᓂᕋ ᐱᕙᓪᓕᓯᒪᓚᕿᔪᖅ ᐅᖃᐅᓯᑦᑎᓂᒃ ᑐᑭᓯᐊᒍᓐᓇᓂᕋ ᐱᑦᔪᑎᒋᑦᓱᒍ. ᒫᓐᓇᓕ, ᐃᓕᓐᓂᐊᑎᐅᔪᖓ ᐊᑌᓐᓇᑐᒥᒃ. ᓄᓇᑦᑕ ᐃᓕᓐᓂᐊᕕᖓᓂ ᐃᓕᓐᓂᐊᑏᑦ ᑲᑎᒪᔨᖏᓐᓂ, ᑐᖓᓕᕆᓕᕐᑕᖓᓂ ᐊᖓᔪᕐᖄᒧᑦ ᑐᖓᓕᕆᔭᐅᔪᖓ. ᖃᒡᒋᐊᕘᑦ ᑲᑎᒪᔨᖏᑦ ᐅᕙᓐᓂᒃ ᓂᕈᐊᓚᐅᔪᕗᑦ ᑲᑎᒪᓂᕐᒥ ᓄᑖᖑᓗᖓ ᑐᑭᒧᐊᑦᑎᓯᔨᐅᓂᕐᒧᑦ ᑐᖓᓕᐅᓂᐊᓕᕐᑎᓗᖓ ᖃᒻᒥᖅ. ᑕᕐᕿᐅᓚᖓᔪᒥ, ᐊᕐᕌᒎᑉ ᑐᖓᓕᖓᓂ ᑐᓵᔨ ᐃᓄᒃᑎᑑᓕᕐᑎᕆᔨᐅᓂᕐᒥᒃ ᐃᓕᓐᓂᐊᓂᕗᑦ ᐃᓱᓕᓛᓕᕐᑐᖅ, ᐅᐱᒍᓱᒃᑯᖓ ᐃᒻᒥᓂᒃ ᐃᓕᓐᓂᐊᑎᐅᖃᑎᒃᑲᑎᓪᓗ ᐅᐱᒍᓱᒍᑦᔨᓱᖓ ᑕᒪᐅᖓ ᑎᑭᐅᑎᒐᑦᑕ.”

ᓯᐊᓯ ᐊᐅᓪᓚᓗᒃ

ᐃᑦᔭᕋᑦᓴᓯᐊᖑᓂᖓᑕ ᐊᑎᖓ
ᐅᕙᖓ

ᖃᐅᔨᒪᔭᕋ
ᐅᑭᐅᖏᑦ

ᐊᔪᐃᓐᓈᒥᓂᒃ ᐱᔭᕇᕐᓯᒪᔭᖓ ᐊᔪᐃᓐᓇᓂᒃᑯᑦ ᐱᔭᕇᓚᐅᔭᕋ ᐃᓄᐃᑦ ᑐᓐᓂᓴᔭᑐᖃᖏᓐᓂᒃ ᑐᓐᓂᑖᕐᓱᖓ ᕿᔪᒻᒧᑦ ᐊᐱᓪᓛᔭᐅᑦᓱᖓ ᐱᖃᑦᑎᓪᓚᕆᐊᓗᒐᓄᑦ ᑌᒣᓘᕐᑕᐅᓚᐅᔪᖓ 2023 ᐊᕐᕌᒍᖓᓂ ᐱᒋᐊᖕᖓᕈᑎᒋᑦᓱᒍ. ᓄᓇᕕᒃ ᓯᕗᓂᑦᓴᕗᒻᒥ ᐱᔭᕇᓚᐅᔪᒐᒪᓂᑦ 2021-ᒥ, ᐅᐱᒋᔪᓪᓚᕆᐅᖃᑦᑕᑐᖓ ᐅᕙᓐᓂᒃ ᑕᒪᐅᖓ ᑎᑭᐅᑎᓂᕋᓂᒃ ᐃᓕᑦᓯᓚᐅᔪᑦᓱᖓᓗ ᐊᒥᓱᓂᒃ ᐊᕐᖁᓵᕐᑕᑲᑎᒍᑦ. ᐳᐃᒍᕐᓇᓚᐅᕐᓯᒪᓛᖕᖏᑐᓂᒃ ᐊᑑᑎᓂᕆᓚᐅᔪᔭᒃᑲ ᐱᖃᑎᒃᑲᓗ, ᐊᑦᓱᕈᕐᓱᖓ ᐱᓇᓱᓐᓂᑯᑦ ᐱᓇᓱᒋᐊᕐᑐᓯᐊᖃᑦᑕᓂᒃᑯᓗ, ᑭᑦᓴᓂᕐᒦᖃᑦᑕᓚᐅᔪᑦᓱᖓ ᖁᐊᕐᓵᖓᓂᕐᒥᓗ, ᐊᑎᒋᓕᐅᕆᐅᕐᓴᓱᖓ (ᐃᓄᐃᑦ ᐊᑎᒋᖓ), ᐆᒪᔪᕆᐅᖃᑦᑕᓱᖓ, ᓄᓇᓄᓪᓗ ᐅᐸᓚᐅᕐᓯᒪᖕᖏᑕᒃᑲᓄᑦ ᐳᓛᕆᐊᖃᑦᑕᓱᖓ ᐱᓗᐊᕐᑐᒥᒃ, ᐃᓄᑦᓯᐊᖑᓂᕐᒥᒃ ᓯᐊᒻᒪᑎᑦᓯᓂᖅ.

ᐃᑦᔭᕋᑦᓴᓯᐊᖑᓂᖅ ᐃᒻᒥᓄᑦ ᐅᑉᐱᒋᔭᖃᕐᓂᒥᒃ ᑐᓴᐅᒪᔭᐅᑎᑦᓯᓂᖅ

ᐱᕕᑦᓴᖃᕐᑐᑎᑦ ᐊᑖᓃᒋᐊᕐᑐᒥ ᑕᑕᕐᓴᒐᑦᓴᒥ ᐅᕙᑦᑎᓂᒃ ᐅᖃᐅᑦᔨᓂᕐᒥᒃ: –
ᐅᐱᒍᓱᑦᑎᓯᓲᒥᒃ ᐃᓕᓐᓂᒃ ᓱᒧᓪᓗ ᐅᐱᒋᓲᕆᒻᒪᖔᕐᐱᐅᒃ. ᐅᕝᕙᓘᓐᓃᑦ – ᐊᔪᐃᓐᓈᓂᒃ
ᐱᔭᖃᕐᓯᒪᓃᑦ (ᓱᓇᑐᐃᓐᓇᐅᒍᓐᓇᑐᖅ! ᒥᑭᔫᓗᓂ ᐊᖏᔫᓗᓂᓘᓐᓃᑦ) ᓱᒧᓪᓗ
ᐅᐱᒍᓱᒍᑎᒋᒻᒪᖔᕐᐱᐅᒃ.

ᓵᓚᖃᐅᑎᑖᕈᓐᓇᑐᑎᑦ


     



     

     


     


     


     



     



    ᓂᐲᑦ ᐊᑑᑎᖃᕐᖁᖅ. ᐃᓱᒪᒋᔭᑎᓐᓂᒃ ᑐᓴᕈᒪᔪᒍᑦ.

    ᐊᓪᓚᕕᒋᑎᒍᑦ ᓴᐳᒻᒥᓗᑕᓗ ᑕᒪᑦᓱᒥᖓ ᐱᑦᔪᑎᒥᒃ ᐱᐅᓯᓕᐅᒥᑎᑦᓯᑎᓪᓗᑕ.

    Send us some words