ᖃᕐᔪᐃᑦ ᓂᕈᐊᕐᓂᖏᑦ
ᐊᕐᕌᒍᑕᒫᑦ, ᐃᓘᓐᓇᖏᑦ ᔦᒥᓯ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᒍᑎᖓ (JBNQA) ᐃᓚᐅᔫᔪᖏᑦ ᐅᑭᐅᓖᑦ 15-ᓂᒃ 35-ᒧᑦ ᓂᕈᐊᖁᔭᐅᕙᑦᑐᑦ.
ᑕᒡᒐᓂ ᐊᕐᕌᒍᕐᒥ, ᒪᕐᕉᒃ ᐃᓃᒃ ᐃᓐᓄᑕᐅᓚᐅᕐᑑᒃ ᓂᕈᐊᕋᑦᓴᑑᒧᑦ. ᖃᕐᔪᐃᑦ ᕿᓂᓚᐅᔪᔪᑦ ᓂᕈᐊᕐᑕᐅᔪᑦᓴᒥᒃ ᐊᖓᔪᕐᖄᑉ ᑐᖓᓕᑦᓴᖓᓂᒃ, ᒪᕐᕉᓂᒃ ᐃᑭᕋᓴᕐᔪᐊᒥ ᑭᒡᒐᑐᕐᑎᓵᓐᓂᒃ ᐊᒻᒪᓗ ᐊᑕᐅᓯᕐᒥᒃ ᓂᕈᐊᕐᑕᐅᑎᒐᓱᐊᕐᑐᖃᓚᐅᔪᖅ ᐊᖓᔪᕐᕌᑉ ᑐᖓᓕᖓᑕ ᐃᓂᖓᓄᑦ, ᐊᒻᒪᓗ ᐊᑕᐅᓯᕐᒥᒃ ᓂᕈᐊᕐᑕᐅᑎᒐᓱᐊᕐᑐᖃᕐᑎᓗᒍ ᐃᑭᕋᓴᕐᔪᐊᑉ ᑭᒡᒐᑐᕐᑎᐅᑉ ᐃᓂᖓᓄᑦ. ᒫᓐᓇᐅᑎᓪᓗᒍ, ᐃᓐᓄᑕᐅᒋᐊᖃᕐᒥᔪᖅ ᐊᑕᐅᓯᖅ ᐃᓂᒃ ᑭᒡᒐᑐᕐᑎᓴᖓᓄᑦ ᐃᑭᒐᓴᕐᔪᐊᒥᐅᓄᑦ. ᓂᕈᐊᕐᓂᖅ ᐊᑑᑎᔭᐅᓚᐅᔪᔪᖅ ᐆᑦᑑᐱᕆ 11, 2023-ᖑᑎᓪᓗᒍ, ᐊᒻᒪᓗ ᓈᒥᓃᑎᒐᑦᓴᑖᕋᓱᐊᕐᓂᖅ ᓯᕗᓂᐊᒍᑦ 20-ᓂᒃ ᐱᓇᓱᓐᓇᓂᒃ ᐅᓪᓗᓂᒃ ᓂᕈᐊᕐᓇᐅᑉ ᐅᓪᓗᖓ ᑎᑭᓚᐅᕐᑎᓇᒍ ᒪᓕᑦᓱᒋᑦ ᖃᕐᔪᐃᑦ ᐅᕕᒃᑫᑦ ᑲᑎᒪᔨᖏᑦ ᐱᖁᔮᐱᖏᑦ, ᑲᔪᓯᑎᑕᐅᓚᐅᕐᑐᖅ ᓯᑦᑎᒻᐱᕆ 13, 2023-ᖑᑎᓪᓗᒍ Facebook-ᑎᒍᑦ ᐊᒻᒪᓗ ᓄᓇᓕᓐᓄᑦ ᓄᓇᓕᓕᒫᓄᓪᓗ ᑐᓴᐅᑎᒃᑯᑦ ᓂᓪᓕᕈᑕᐅᓯᒪᑦᓱᑎᑦ. ᐋᓕᓴᓐ ᒥᐊᓱ, 28-ᓂᒃ ᐅᑭᐅᓕᒃ ᑰᑦᔪᐊᒥᐅᖅ, ᑯᐯᒃ ᐊᒻᒪᓗ ᓖᓇ ᐃᓯᑭᐅᓪ, 31-ᓂᒃ ᐅᑭᐅᓕᒃ ᖁᐊᕐᑕᒥᐅᖅ, ᑯᐯᒃ ᐅᑎᓚᐅᕐᑑᒃ ᐃᓂᒥᓄᑦ ᓈᒥᓃᑎᕐᑕᑑᓚᐅᕋᒥᑦ ᑕᒡᒍᖓ ᐊᕐᕌᒎᑉ ᓂᕈᐊᕐᓂᒋᐊᓕᒻᒧᑦ. ᒥᐊᓱ ᐃᓕᔪᕕᓂᖅ ᐊᖓᔪᕐᖄᑉ ᐃᓂᖓᓄᑦ ᑎᑭᓪᓗᒍ ᐆᑦᑑᐱᕆ 2026 ᐊᒻᒪᓗ ᐃᓯᑭᐅᓪ ᐃᑭᕋᓴᕐᔪᐊᑉ ᑭᒡᒐᑐᕐᑎᖓᑕ ᐃᓂᖓᓄᑦ ᑎᑭᓪᓗᒍ ᐆᑦᑑᐱᕆ 2026. ᑭᖑᓪᓗᐹᒥ, ᐃᓖᓇ ᒥᐊᓱ, ᑰᑦᔪᐊᒥᐅᖅ ᐅᑎᓛᕐᓂᐊᓕᕐᒥᔪᖅ ᑲᑎᒪᔨᑦᑎᓄᑦ ᐱᐊᕋᕐᑖᑐᕕᓂᐅᑦᓱᓂ, ᓅᕕᒻᐱᕆᐅᓚᐅᔪᑎᓪᓗᒍ, ᐊᒻᒪᓗ ᑭᒡᒐᑐᓛᕐᓱᓂ ᐅᖓᕙᒻᒥᐅᓂᒃ, ᐃᓚᖃᕐᓗᓂ ᐊᓃᑕ ᐋᓇᓈᒥᒃ, ᑎᑭᓪᓗᒍ ᐆᑦᑑᐱᕆ 2025. ᓇᑯᕐᒦᑕᕗᑦ ᒦᑲᓐ ᑯᐊᑕ ᐱᓇᓱᑦᑎᑖᕆᔭᐅᓚᐅᔪᖅ ᓂᕈᐊᕐᑎᓯᔨᐅᓂᕐᒧᑦ ᓯᑦᑎᒻᐱᕆ 9, 2023-ᖑᑎᓪᓗᒍ ᐊᐅᓚᑦᓯᒐᔭᕐᑎᓗᒍ ᓯᓚᑖᒍᑦ ᐃᓘᓐᓇᖏᓐᓂᒃ ᓂᕈᐊᕐᑎᓯᓂᕐᒨᓕᖓᔪᓂᒃ. ᑎᒥᖁᑎᕗᑦ ᓇᑯᕐᓴᒪᕆᑦᑐᑦ ᓅᑖᖑᔪᓂᒃ ᓯᕗᓕᕐᓂᒧᑦ ᐱᓇᓱᑦᑎᒋᓕᕐᑕᒥᓂᒃ ᐊᒻᒪᓗ ᐱᕕᑦᓴᖃᑦᓯᐊᖁᓇᕐᑐᑦ ᐊᒻᒪᓗ ᐊᓕᓱᒻᒪᕆᑦᑐᒍᑦ ᓯᕗᓂᑦᓴᖓᓄᑦ ᑎᒥᖁᑎᑦᑕ!
ᑲᑎᒪᔩᑦ ᐱᔭᑦᓴᕆᔭᖏᑦ – 3-ᓂᒃ ᐊᕐᕌᒎᔪᓂᒃ
- ᑭᒡᒐᑐᕐᓗᓂ ᐊᔪᐃᓐᓇᒍᑎᖃᕐᓗᓂᓗ ᖃᕐᔪᐃᑦ ᐅᕕᒃᑫᑦ ᑲᑎᒪᔨᖏᑦᑕ ᐱᓂᐊᕐᓂᕆᔭᖓᓂᒃ ᐊᓐᓂᕆᔭᖏᓐᓂᓗ;
- ᑭᒡᒐᑐᕐᓗᓂ ᐅᕕᒃᑫᑦ ᐱᓯᒪᔪᓂᒃ 5-ᓂᒃ ᓄᓇᓕᓐᓂᒃ ᑕᕝᕙᓂ ᓯᓈᖁᑎᓯᓐᓂ;
- ᐱᕙᓪᓕᐊᑎᓗᒋᑦ ᖃᐅᔨᒋᐊᕐᕕᐅᒐᔭᕐᑐᑦ ᐃᓄᑑᓈᕐᑎᑐᓂᒃ ᑕᕝᕙᖓ ᐱᓯᒪᔪᓂᒃ ᓄᓇᓕᒻᒥᑕ ᑭᒡᒐᑐᕐᑕᖏᓐᓂᒃ;
- ᐅᓪᓗᒥᓂᑕᐅᑎᑦᓯᓂᕐᒥᒃ ᑌᒪᖕᖓᓕᒫᖅ ᖃᐅᔨᒪᒋᐊᓕᓐᓂᒃ ᐃᓄᑑᓈᕐᑎᑐᓂᒃ ᑎᒥᐅᔪᓂᓪᓗ ᑐᑭᓯᒍᑎᑦᓴᖏᓐᓂᒃ ᐃᓕᖓᔪᓂᒃ ᖃᕐᔪᐃᑦ ᐅᕕᒃᑫᑦ ᑲᑎᔨᖏᓐᓄᑦ;
- ᐃᑲᔪᕐᓗᓂ ᐱᓇᓱᐊᕐᕕᙯᓐᓇᓗᓂᓗ ᐃᓚᐅᓂᕐᒥᒃ ᑕᕐᖀᑦ 10-ᓂ ᐅᖄᓚᐅᑎᑎᒍᑦ ᑲᑎᒪᓂᕐᓂᒃ ᑕᒡᒍᒧᓪᓗ ᑲᑎᒪᓂᕐᓂᒃ ᐊᕐᕌᒍᑕᒫᕐᓯᐅᑎᒥᓪᓗ ᑲᑎᒪᓂᕐᓂᒃ;
- ᑎᒍᒥᐊᖏᓐᓇᓂᕐᒥᓗ ᐃᓱᒫᓘᑎᐅᔪᓂᒃ ᑭᖕᖒᒪᒍᑎᐅᔪᓂᓪᓗ; ᐊᑐᓂ ᓄᓇᓖᑦ ᑕᕝᕙᓂ ᓯᓈᒥᑦᑕ ᓄᓇᖃᕐᕕᖏᓐᓂ;
- ᑲᔪᓯᒪᑎᑦᓰᓇᓯᐊᕐᓗᓂ ᐃᓗᓐᓀᑕ ᑭᒡᒐᑐᕐᑕᐅᓂᑦᓴᖏᓐᓄ ᐊᑐᓂ ᑭᒡᒐᑐᕐᑕᐅᓂᖏᓐᓄ ᓄᓇᓖᑦ ᖃᕐᔪᐃᑦ ᐅᕕᒃᑫᑦ ᑲᑎᒪᔨᒃᑯᖏᓐᓂᒃ;
- ᐅᐸᐅᑎᓗᓂ, ᐊᑕᐅᓯᐊᕐᓗᓂ ᐊᕐᕌᒍᑕᒫᑦ ᓄᓇᓕᓕᒫᑦ ᓯᓈᓕᒪᖃᕐᕕᐅᔪᓂ ᑐᑭᓯᑎᑦᓯᓂᖃᕐᓂᐊᓗᑎᒃ ᖃᓄᐃᓘᕐᓂᐅᔪᓕᒫᓂᒃ ᖃᕐᔪᐃᑦ ᐅᕕᒃᑫ ᑲᑎᒪᔨᖏᑦᑕ;
ᐳᕐᑐᓂᕐᓭᑦ ᑲᒪᒋᔭᑦᓴᔭᖏᑦ – 3-ᓂᒃ ᐊᕐᕌᒎᔪᓂ
ᐊᖓᔪᕐᖄᖅ
ᐊᖓᔪᕐᖄᖑᓚᖓᕗᖅ ᐳᕐᑐᓂᕐᓴᐅᓗᓂ ᑲᑎᒪᔨᓄᑦ, ᐊᑑᑎᓂᖃᖃᑦᑕᓚᖓᔪᖅ ᐃᓗᓐᓈᒍᑦ ᑲᒪᒋᔭᖃᕐᓂᒥᒃ ᑕᒪᑦᓱᒪ ᐱᔭᑦᓴᔭᕆᔭᖏᓐᓂᒃ ᑲᑎᒪᔩᑦ, ᐊᑎᓕᐅᖃᑦᑕᓗᓂ ᐃᓗᓐᓀᓂᒃ ᐊᓪᓚᖁᑎᐅᔪᓂᒃ ᐊᑎᓕᐅᕐᑕᐅᒋᐊᓕᓐᓂᒃ, ᐱᔭᕇᒍᓐᓇᓗᓂᓗ ᐱᔭᑦᓴᐅᒋᐊᓕᓕᒫᓂᒃ ᐃᓕᖓᔪᓄᑦ ᑖᑦᓱᒧᖓ ᐃᓂᒧᑦ ᐊᑑᑎᖃᑦᑕᓗᓂᓗ ᓄᑭᒋᔭᐅᔪᓕᒫᓂᒃ ᓱᕐᖁᐃᑕᐅᓂᖃᑐᐃᓐᓇᕆᐊᓕᓐᓂᒃ ᑐᑭᑖᕈᑎᖓᑎᒍᑦ ᑲᑎᒪᔩᑦ.
ᐊᖓᔪᕐᖄᑉ-ᑐᖓᓕᐊ
ᐊᖓᔪᕐᖄᑉ-ᑐᖓᓕᐊ ᐃᑲᔪᕐᓯᒪᓲᖅ ᐊᖓᔪᕐᖄᒥᒃ ᐱᔭᑦᓴᔭᕆᔭᖏᓐᓂᒃ ᐊᑑᑎᑎᑦᓯᒍᓐᓇᒦᑦᓱᓂᓗ ᐱᔪᓐᓇᐅᑎᐅᔪᓂᒃ ᑲᔪᓯᑎᑦᓯᒍᓐᓇᓱᓂᓗ ᐱᔭᑦᓴᐅᔪᓂᒃ ᓱᕐᖁᐃᑕᐅᓂᖃᑐᐃᓐᓇᕆᐊᓕᓐᓂᒃ ᑐᑭᑖᕈᑎᖓᑎᒍᑦ ᑲᑎᒪᔩᑦ. ᓄᐃᑕᖕᖏᐸᑦ ᐱᕐᖃᔦᕐᓯᒪᑉᐸᓘᓐᓃᑦ ᐊᖓᔪᕐᖄᖅ, ᐊᖓᔪᕐᖄᑉ-ᑐᖓᓕᐊ ᐱᒍᓐᓇᓂᖃᕋᔭᕐᖁᖅ ᑲᔪᓯᑎᑦᓯᒍᓐᓇᓗᓂᓗ ᐱᔭᑦᓴᔭᕆᔭᖏᓐᓂᒃ ᓄᑭᖏᓐᓂᓗ ᐊᖓᔪᕐᖄᑉ.
ᐊᓪᓚᑎᒃ-ᑮᓇᐅᔭᓕᕆᔨᒃ
ᓄᐃᑕᖕᖏᐸᑦ ᐱᕐᖃᔦᕐᓯᒪᑉᐸᑎᓘᓐᓃᑦ ᐱᒍᓐᓇᖃᔭᖕᖏᐸᑦ ᐊᖓᔪᕐᖄᖅ ᑐᖓᓕᐊ-ᐊᖓᔪᕐᖄᓘᓐᓂᑦ, ᐊᓪᓚᑎ-ᑮᓇᐅᔭᓕᕆᔨᒃ ᐱᕕᖃᒐᔭᕐᖁᖅ ᑲᔪᓯᑎᑦᓯᒍᓐᓇᓗᓂᓗ ᐃᓗᓐᓀᓂᒃ ᐱᔭᑦᓴᕆᔭᐅᔪᓂᒃ ᓄᑭᖏᑦᑕᓗ ᐊᖓᔪᕐᖄᑉ.
- ᐃᓗᓐᓈᒍᑦ ᑕᑯᓐᓇᒐᓱᐊᕐᑎᐅᓗᓂ ᑎᒍᒥᐊᕐᑕᐅᒋᐊᓕᓕᒫᓂᒃ ᑲᑎᒪᔩᑦ ᐊᓪᓚᑲᑦᑕᐅᑎᓂᕆᓲᖏᓐᓂᒃ ᐊᓪᓚᖁᑎᓕᒫᓂᓪᓗ;
- ᐃᓗᓐᓇᒍᑦ ᑕᑯᓐᓇᒐᓱᐊᕐᑎᐅᓗᓂ ᑎᒍᒥᐊᕐᑕᐅᒋᐊᓕᓕᒫᓂᒃ ᐃᓕᑕᕆᔭᐅᒍᑏᑦ ᐊᓪᓚᖁᑎᓕᒫᖏᓐᓂᒃ ᑲᑎᒪᔩᑦ;
- ᑐᓴᐅᒪᑎᑦᓯᔨᐅᒍᑎᐅᒋᐊᓕᓕᒫᓂᓪᓗ ᑲᑎᒪᓂᑦᓴᖏᓐᓂ ᑲᑎᒪᔩᑦ;
- ᐊᑐᐃᓐᓇᕈᕐᑎᕆᓲᖑᓗᓂ ᓇᔪᕐᑎᖃᓲᖑᓗᓂᓗ ᑲᑎᒪᐅᑎᕕᓂᕐᓂᒃ ᑲᑎᒪᓂᓕᒫᖑᔪᓂᒃ ᐃᓚᐅᔫᔪᓄᑦ ᑲᑎᒪᔩᑦ, ᑲᑎᒪᔩᑦ ᐳᕐᑐᓂᕐᓭ ᑲᑎᒪᔨᖏᑦᑕᓗ;
- ᓇᔪᕐᑎᖃᓲᖑᓗᓂ ᓇᓗᓀᕐᓯᒪᒍᑎᐅᔪᒥ ᐃᓚᐅᔫᔪᑦ ᑲᑎᒪᔩᑦ;
- ᒪᓂᔨᓗᓂ ᐊᕐᕌᒍᑕᒫᕐᓯᐅᑏᑦ ᓱᖃᑦᓯᒍᑎᕕᓃᑦ ᑐᓴᕐᑎᓯᐅᑎᖏᓐᓂᒃ ᑲᑎᒪᔨᖏᑦᑕ ᑲᑎᒪᔩᑦ;
- ᓇᔪᕐᑎᖃᓲᖑᓗᓂ ᐁᓯᒪᓂᐅᔪᓂᒃ ᐃᑉᐱᒋᔭᖃᑦᓯᐊᓗᓂᓗ ᐱᕕᑦᓴᖃᕐᑎᓯᔪᒥᒃ ᐊᕕᑦᑐᓯᒪᒍᑎᐅᑉ 4.04 ᐸ) ᑲᔪᓯᑎᑕᐅᑦᓯᐊᕋᓗᐊᕐᒪᖔᑕ; ᐊᒻᒪᓗ
- ᐊᑐᐃᓐᓇᕈᕐᑏᓗᓂ ᒪᓂᔨᓗᓂᓗ ᑮᓇᐅᔦᑦ ᑐᕌᒐᖓᓂ ᑲᑎᒪᔩᑦ ᐊᖏᕐᑕᐅᒋᐊᖃᓂᐊᑐᓂᒃ ᑲᑎᒪᔨᓄᑦ;
- ᑲᒪᒋᔭᖃᕐᓗᓂ ᓄᐊᑕᐅᓂᖏᓐᓂᒃ ᐴᕐᑕᐅᓂᖏᓐᓂᓗ ᑮᓇᐅᔭᖏᑦᑕ ᑲᑎᒪᔩᑦ;
- ᓇᔪᕐᑎᖃᓲᖑᓗᓂ ᐃᓗᐃᑦᑐᓯᐊᓂ ᑮᓇᐅᔭᕐᑑᑎᕕᓂᓕᒫᑦ ᐊᓪᓚᖁᑎᖏᑦᑕ ᑲᑎᒪᔩᑦ;
- ᓇᔪᕐᑎᖃᓲᖑᓗᓂ ᓱᓇᒥᑦᑐᓂᒃ ᓈᒻᒪᓈᑦᓯᐊᑐᓂᓪᓗ ᑭᓯᑦᓯᖑᑎᓐᓂᐊᕈᑎᕕᓂᕐᓂᒃ ᑲᑎᒪᔨᒃᑯᑦ;
- ᑐᓴᕐᑎᓯᓲᖑᓗᓂ ᑲᑎᒪᔨᓂᒃ, ᐊᕐᕌᒍᓕᒫᒥ ᓯᑕᒪᕕᓪᓗᓂ, ᖃᓄᖅ ᐊᑐᕐᑕᐅᓂᖏᓐᓄᑦ ᑮᓇᐅᔦᑦ ᑲᑎᒪᔨᒃᑯᑦ;
- ᑲᒪᒋᔭᖃᕐᓗᓂ ᑲᑎᒪᔩᑦ ᑮᓇᐅᔭᖁᑎᖏᓐᓂᒃ ᐃᑉᐱᒋᑦᓯᐊᓗᒋᓪᓗ ᑮᓇᐅᔭᕐᑐᒍᑎᐅᒍᑎᒋᒋᐊᓪᓕᒻᒥᓄ ᐊᖏᕐᑕᐅᒪᔫᓗᑎᒃ ᑲᑎᒪᔨᓄᑦ;
- ᐊᑐᐃᓐᓇᕈᕐᑎᕆᓗᓂ ᑮᓇᐅᔭᕐᑑᑎᕕᓃᑦ ᐊᓪᓚᑕᐅᒪᓂᖏᓐᓂᒃ ᒪᓂᔨᖃᑦᑕᓗᓂᓗ ᑖᒃᑯᓂᖓ ᑮᓇᐅᔭᕐᑑᑎᕕᓃᑦ ᐊᓪᓚᑕᐅᒪᓂᖏᓐᓂᒃ ᑲᑎᒪᔨᓄᑦ ᓯᕗᓂᐊᒍᑦ ᐊᕐᕌᒍᑕᒫᕐᓯᐅᑎᐅᑉ ᑲᑎᒪᓂᒻᒪᕆᖓᑕ ᑲᑎᒪᔩᑦ;
- ᐃᑉᐱᒋᔭᖃᑦᓯᐊᓗᓂ ᓈᒻᒪᓈᕐᑐᓂᒃ ᑮᓇᐅᔦᑦ ᐊᐅᓚᑕᐅᓂᖏᓐᓄᑦ ᑲᑎᒪᔩᑦ ᓇᓃᓐᓂᖃᕆᐊᖃᓕᕐᓂᖏᓐᓂᓗ, ᐊᑐᕈᓐᓇᕕᖃᕐᓗᓂ ᐃᑲᔪᕐᓯᔭᐅᓂᕐᒥᒃ ᒪᑭᕝᕕᑯᑦ ᑮᓇᐅᔭᓕᕆᕕᖓᓐᓂᒃ;
- ᐊᑑᑎᒍᓐᓇᓗᓂ ᑖᒃᑯᓂᖓ ᐱᔪᓐᓇᐅᑎᓂᒃ ᐊᑐᕐᓗᓂᓗ ᑖᒃᑯᓂᖓ ᐱᔭᑦᓴᐅᔪᓂᒃ ᓱᕐᖁᐃᑕᐅᓂᖃᑐᐃᓐᓇᕆᐊᓕᓐᓂᒃ ᑐᑭᑖᕈᑎᖓᒍᑦ ᑲᑎᒪᔩᑦ.
