ᐱᓂᐊᕐᓂᑎᒍᑦ ᑭᒡᒐᑐᐃᓂᖅ
ᓄᓇᕕᒻᒥ, 50% ᕿᑎᕐᖃᖏᑦ ᐃᓄᐃᑦ ᐃᓄᓕᒫᑦ ᐅᑭᐅᖃᓚᐅᔪᑦ 35 ᐊᑖᓄᑦ 27% ᐅᑭᐅᖃᕐᓱᑎᒃ ᐊᑯᓐᓂᖓᓂ 15-34. ᐊᑯᓐᓂᖓᓃᑦᑐᖅ ᐅᑭᐅᓖᑦ ᓄᓇᕕᒻᒥ 35-ᓂᒃ ᐅᑭᐅᓖᑦ. (ᑭᓯᑦᓯᕕᒃ, ᑭᓯᑕᐅᒪᓂᖅ 2021)
ᐅᕕᒃᑫᑦ ᐊᒥᓲᑦᓱᑎᒃ ᐊᑕᖕᖑᓯᒍᓐᓇᑐᑦ ᓄᓇᕕᒻᒥ ᓂᕆᐅᓐᓂᖃᕐᑎᓯᑦᓱᑎᒃ.
ᐅᕕᒃᑫᑦ ᑐᓴᕐᑕᐅᒋᐊᓖᑦ ᑲᕙᒪᒃᑯᓄᑦ. ᑌᒣᒻᒪᑦ, ᐊᕐᕌᒍᑕᒫᖑᓕᕐᑐᖅ ᒫᓐᓇ, ᑖᓐᓇ ᐱᓂᐊᓂᓕᕆᓂᕐᒧᑦ ᐊᑑᑎᓂᐅᔪᖅ [RAJ] ᐱᕕᑦᓴᖃᕐᑎᓯᕗᖅ ᖃᕐᔪᐃᑯᓐᓂᒃ ᑭᒡᒐᑐᕐᓂᐊᑎᓪᓗᒍ ᐃᓄᐃᑦ ᐅᕕᒃᑲᖁᑎᖏᓐᓂᒃ ᓂᐱᖃᕐᓗᑎᓪᓗ ᑭᖕᖒᒪᒋᔭᒥᓂᒃ ᐃᓱᒫᓗᑎᒋᔭᒥᓂᓪᓗ ᑕᕝᕘᓇ ᐱᓂᐊᕐᓂᑎᒍᑦ ᐅᕕᒃᑫᑦ ᑲᑎᓐᓂᖓᓂ ᐅᓪᓗᓂᒃ 3-ᓂᒃ ᑲᑎᖕᖓᓂᖃᕐᑎᓯᑎᓪᓗᒋᑦ Force Jeunesse -ᑯᑦ ᑯᐯᒃ ᑲᕙᒪᒃᑯᑦ ᐅᖃᕐᕕᒪᕆᖓᓂᒃ.
ᖃᕐᔪᐃᑦ ᐅᕕᒃᑫᑦ ᑲᑎᒪᔨᖏᑦ ᐁᓯᒪᓚᐅᔪᑦ ᑐᖓᓕᕆᓕᕐᑕᖓᓂ, ᑕᕝᕙᓂ ᕕᕗᐊᕆᐅᓚᐅᕐᑐᒥ 2023, ᑖᓐᓇ ᐱᓂᐊᕐᓂᓕᕆᓂᑎᒍᑦ ᑲᑎᓐᓂᖅ ᑲᑎᕝᕕᒋᓚᐅᔭᑎᓐᓂᒃ ᐊᔾᔨᒌᖕᖏᑐᓂᒃ ᐱᓂᐊᕐᓂᓕᕆᔨᐅᑦᓱᑎᒃ ᓯᕗᓕᕐᑎᓂᒃ, ᐆᑦᑑᑎᒋᓗᒍ ᑐᕐᖃᑕᕐᕕ ᐃᐊᓐ ᓚᕕᕆᓂᐊᕐ, ᐃᑉᐱᒋᔭᑦᓴᔭᓕᒃ ᓄᓇᓕᑐᖃᑦᓴᔭᓅᓕᖓᔪᓄᑦ, ᐅᖄᒍᑎᒋᓚᖓᓗᒋᑦ ᐃᓄᐃᑦ ᐅᕕᒃᑫᑦ ᓯᕗᓪᓕᐅᔭᐅᖁᔭᖏᓐᓂᒃ ᐊᒻᒪᓗ ᖃᕐᔪᐃᑦ ᐅᕕᒃᑫᑦ ᑭᖕᖒᒪᒋᔭᖏᑦ ᒪᑦᓱᒧᖕᖓᓕᖓᔪᓂᒃ ᐱᕙᓪᓕᐊᑎᑦᓯᓂᕐᒧ. ᑖᓐᓇ ᐱᕕᑦᓴᖃᕐᑎᓯᕕᑦᓯᐊᖅ ᐱᒍᓐᓇᓯᕕᑦᓴᓯᐊᖑᓚᐅᕐᑐᖅ ᖃᕐᔪᐃᑦ ᐅᕕᒃᑫᑦ ᑲᑎᒪᔨᖏᑦᑕ ᑲᑎᓯᒍᓐᓇᓂᕐᒥᒃ 30 ᐅᖓᑖᓄᑦ ᐅᕕᒃᑫᑦ ᑎᒥᖁᑎᒋᒻᒥᔭᖏᓐᓂᒃ ᐱᕙᓪᓕᐅᒥᒋᐊᕐᓗᒋᓪᓗ ᐅᖄᓃᑦ ᐱᔾᔪᑎᒋᓗᒋᑦ ᐅᕕᒃᑫᑦ ᓯᕗᓕᒍᓯᖏᑦ ᐊᓯᒋᐊᓪᓚᖏᓐᓂᓗ ᐱᕕᑦᓴᐅᒐᔭᕐᒥᔪᓂᒃ ᖃᐅᔨᒪᖃᑎᒌᓐᓂᐅᔪᓂᒃ.
ᑖᒃᑯᐊ ᐅᕕᒃᑫᑦ ᐅᓐᓂᑑᑎᖏᑦ ᓴᐳᒻᒥᒍᑎᒋᔭᕗᑦ ᒪᑦᓱᒧᖓ
ᐃᓄᑦᑎᑑᕐᑐᐃᑦ ᐃᓕᓐᓂᐊᑎᑕᐅᒍᑎᐅᓲᑦ ᐅᕕᒃᑲᓄᑦ ᓲᖑᓯᒋᐊᕐᓗᒋᑦ;
ᓴᐳᒻᒥᓗᒋᑦ ᐃᓄᓐᓄᑦ ᐊᐅᓚᑕᐅᔪᑦ ᐃᓱᒪᒃᑯᑦ ᖃᓄᐃᖕᖏᓯᐊᕐᓂᓕᕆᕖᑦ;
ᖃᓂᑕᒌᓕᐅᒥᒐᓱᐊᕐᓂᖏᑦ ᐃᓄᐃᑦ ᓄᓇᖃᕐᖄᓯᒪᔪᔦᓪᓗ ᓄᓇᖃᕐᖄᓯᒪᔫᖕᖏᑐᐃᓪᓗ;
ᐱᔪᓐᓇᓯᑎᑦᓯᓂᖅ ᐃᓄᓐᓂᒃ ᐃᓕᓐᓂᐊᕈᑎᑦᓴᓕᐅᕐᓂᑯᑦ ᐅᖃᐅᓯᓪᓚᕆᖏᑎᒍᑦ ᐃᓕᓐᓂᐊᖁᓪᓗᒋᑦ;
ᐊᑦᑕᓇᖕᖏᑐᒥᒃ ᓱᖃᑦᓯᕕᓕᐅᕐᓂᖅ ᐅᕕᒃᑫᑦ ᑲᑎᕝᕕᒋᕈᓐᓇᑕᖓᓂᑦ ᐃᓕᑦᓯᕕᒋᕈᓐᓇᑕᖓᓂᓪᓗ;
ᐅᕕᒃᑲᓂᒃ ᐃᓚᐅᓕᕐᑎᓯᓂᖅ ᐊᐅᓚᑦᓯᒍᓐᓇᐸᓪᓕᐊᖁᓪᓗᒋᑦ ᓱᖃᑦᓯᑎᖃᑦᑕᓗᒋᑦ ᐃᓕᓐᓂᐊᑎᖃᑦᑕᓗᒋᓪᓗ ᐱᑐᑦᓯᒪᓂᒃᑯᑦ ᓄᓇᒥ ᐊᒻᒪᓗ ᐱᕐᖁᓯᑐᖃᕐᓂᑦ;
ᐱᓇᓱᑦᑎᑖᕐᓂᖅ ᓄᓇᓕᓐᓂ ᐱᓯᒪᔪᓂᒃ ᐃᑲᔪᕐᑐᓴᓂᒃ;
ᓂᐲᑦ ᐊᑑᑎᖃᕐᖁᖅ. ᐃᓱᒪᒋᔭᑎᓐᓂᒃ ᑐᓴᕈᒪᔪᒍᑦ.
ᐊᓪᓚᕕᒋᑎᒍᑦ ᓴᐳᒻᒥᓗᑕᓗ ᑕᒪᑦᓱᒥᖓ ᐱᑦᔪᑎᒥᒃ ᐱᐅᓯᓕᐅᒥᑎᑦᓯᑎᓪᓗᑕ.