ᓱᓇᐅᕚ ᓄᓇᕐᔪᐊᒥᐅᖑᖃᑎᒌᑎᒍᑦ ᓇᓗᓀᕐᓯᒪᕆᓐᓂᖅ ᐱᔪᓐᓇᑎᖏᑦᑕ ᓄᓇᓕᑐᖃᑦᓴᔦ?
ᓄᓇᓕᕐᔪᐊᒥ ᑲᑐᑦᔨᖃᑎᒌᑦᑐᐃᑦ ᓇᓗᓀᕐᓯᐅᑎ ᓄᓇᖃᕐᖄᓯᒪᔪᐃᑦ ᐱᒍᓐᓇᐅᑎᖃᕐᓂᖏᓐᓄᑦ “UNDRIP” ᓄᐃᑦᓯᓯᒪᕗᖅ ᐳᕐᑐᔪᐊᓘᖕᖏᑐᓂ ᑐᖕᖓᕕᖃᕐᓱᓂ ᐊᑐᓪᓗᑐᕐᑐᓂ ᐆᒪᒐᓱᐊᕐᓂᑯᑦ, ᑭᓇᐅᓂᕐᒥᓂ ᐊᒻᒪᓗ ᖃᓄᐃᖕᖏᓯᐊᕐᓂᖅ ᐱᑦᔪᑎᒋᑦᓱᒍ ᓄᓇᖃᕐᖄᓯᒪᔪᓕᒫᓄᑦ.
ᓇᑦᓯᐊᓕᐅᖑᓚᐅᔪᒥ 2023, ᐱᓇᓱᐊᖃᑎᒋᑦᓱᒋᑦ ᒪᑭᕝᕕᑯᑦ, Exeko-ᒃᑯᑦ ᐊᒻᒪᓗ ᐊᓯᖏᑦ ᐊᔪᖀᒋᐊᕐᑏᑦ, ᓄᓇᓕᓐᓂ ᐊᐅᓚᑦᓯᔩᑦ ᑲᑎᖃᑎᒌᑦᑎᓚᐅᔭᕗᑦ ᐱᔪᓐᓇᐅᑎᒋᔭᖏᑦ ᐱᑦᔪᑎᒋᑦᓱᒋᑦ ᐊᒻᒪᓗ ᐊᑦᔨᒌᖕᖏᑐᐃᑦ ᐊᓪᓚᓯᒪᔪᖁᑏᑦ ᓄᓇᓕᕐᔪᐊᒥᐅᓄᑦ ᐃᓕᑕᕆᔭᐅᓂᖅ ᐱᔪᓐᓇᐅᑎᖃᕐᓂᖏᓐᓄᑦ ᓄᓇᖃᕐᖄᓯᒪᔪᐃᑦ (UNDRIP) ᐊᑖᒍᑦ, ᐅᒃᑯᐃᓯᒍᑎᖃᕐᓱᑎᒃ ᑲᑎᒪᓂᕐᒥ ᐅᖄᕈᑎᖃᕐᓂᑯᑦ ᑲᕙᒪᒃᑯᕗᑦ ᐱᐅᓯᐅᒦᒋᐊᕋᓱᐊᕆᐊᖃᕐᓂᒥᒃ ᑲᒪᒋᔭᖃᕐᑐᓴᐅᓂᖏᑦ.
ᑕᑯᒋᐊᕈᒃ UNDRIP-ᒥᒃ ᐊᑎᓕᒃ ᐊᓪᓚᓂᐊᒑᐱᒃ ᑕᑯᓂᐊᕋᕕᒃᑭᑦ ᐅᕕᒃᑫᑦ ᓯᕗᓕᕐᑎᖓᑕ ᐃᒣᒋᐊᖁᔨᒍᑎᖏᑦ ᑲᓇᑕᒥ ᐱᔪᓐᓇᐅᑎᖃᕐᓂᕋᕐᑕᐅᓂᖏᓐᓄᑦ ᓄᓇᖃᕐᖄᓯᒪᔪᑦ ᐃᓄᐃᑦ ᐱᑦᔪᑎᓕᒃ ᐱᓇᓱᒍᑦᔨᓂᕐᓄᑦ ᐸᕐᓇᕈᑎ ᐃᓗᓯᕐᒧᑦ, ᐃᓕᓐᓂᐊᓂᕐᒧᑦ, ᐊᕙᑎᑦᑎᓄᑦ ᐃᓄᐃᓪᓗ ᐱᓇᓱᒐᖃᕐᕕᖏᓐᓂ.
ᓂᐲᑦ ᑐᓴᕐᑕᐅᑎᒍᒃ ᐊᓪᓚᖑᐊᕐᑕᕕᓂᑎᓐᓂᓗ ᑐᔪᕐᑎᒍᑦ ᐱᔪᓐᓇᐅᑎᑦᑎᓐᓅᓕᖓᔪᒥᒃ ᐅᕝᕙᓘᓐᓃᑦ ᑕᑯᒍᓐᓇᓯᑎᑎᒍᑦ ᖃᕆᑕᐅᔭᒃᑯᑦ ᓄᐃᑕᕕᑦᑎᓂ @qarjuit
ᓱᓇᐅᕚ ᔦᒥᔅᐯ ᑯᐯᒃᒥ ᐊᖏᖃᑎᒌᒍᑎᒃ?
ᐱᕕᖃᕐᑎᓯᓚᐅᔪᒍᑦ ᓄᓇᕕᒻᒥ ᐃᓅᓱᑦᑐᓄᑦ/ᐅᕕᒃᑲᓄᑦ, ᓯᕗᓕᕐᑎᕈᒍᒫᕐᒪᑕ ᓯᕗᓂᕐᒥ ᓄᓇᓕᑦᑎᓂ, ᐱᕕᖃᕐᑎᓱᒋᑦ ᑐᑭᓯᑎᑦᓯᒋᐊᖁᔨᒧᑦ ᓱᓇᐅᒻᒪᖔᑦ ᔦᒥᔅᐯ ᑯᐯᒃ ᑕᕐᕋᖓᑕ ᐊᖏᖃᑎᒌᒍᑎᖓᓂᒃ (JBNQA) ᖃᓄᕐᓗ ᓱᕐᕃᒪᖔᑦ ᐃᓅᓯᕆᔭᖏᓐᓂᒃ.
ᐱᓇᓱᐊᖃᑎᒋᑦᓱᒋᑦ ᑯᐊᑕᒃᑯᑦ, ᐊᕐᓇᓕᖕᖒᑎᕕᒃ 17-ᖑᑎᓪᓗᒍ 20-ᒧᑦ, ᒪᓂᔨᓯᒪᔪᒍᑦ ᓄᓇᕕᒻᒥᐅᓂᒃ ᐅᕕᒃᑲᓂᑦ, ᓯᕗᓂᕐᒥ ᓯᕗᓕᕐᑎᐅᓂᕐᒧᑦ ᓄᓇᓕᒻᒥᓂ, ᑐᑭᓯᒋᐊᑦᓯᐊᖁᓪᓗᒋᑦ ᓱᓇᐅᒻᒪᖔᑦ JBNQA ᐊᒻᒪᓗ ᖃᓄᖅ ᐃᓅᓯᖏᓐᓂᒃ ᓱᕐᕃᓂᕐᒪᖔᑦ. ᓱᖃᑦᓯᑎᑕᐅᓂᓕᕕᓃᑦ ᐅᕕᒃᑫᑦ ᐃᓕᓐᓂᐊᑎᑦᓱᒋᑦ ᖃᓄᖅ ᐊᖏᖃᑎᒌᒋᐊᖃᕐᒪᖔᑕ ᒪᕐᕉᓄᑦ ᐱᓗᐊᕐᑐᒥ ᐃᓂᐅᔫᓐᓄᑦ ᐊᖏᖃᑎᒌᓐᓂᐅᑉ ᐃᓗᐊᓂ (ᐃᓃᒃ 17 ᐊᒻᒪᓗ 15) ᖃᓄᖅ ᒪᓂᔨᒍᓐᓇᒪᖔᑕ ᓄᑖᒥᑦ ᐃᓕᓐᓂᐊᓂᓕᕆᓂᕐᒨᓕᖓᔪᒥ ᓄᓇᕕᒻᒥ, ᐊᒻᒪᓗ ᐃᓱᒪᒃᑯᑦ ᖃᓄᐃᖕᖏᓯᐊᕐᓂᐅᑉ ᐱᓂᐊᕐᓂᖏᓐᓂ.
ᐱᒋᐅᕐᓴᑎᑕᐅᓂᖅ ᐱᓇᓱᐊᕐᑕᐅᓚᕿᔪᕕᓂᖅ ᒪᓂᔨᖁᓪᓗᑕ ᐅᕕᒃᑲᓂᑦ ᐃᓕᓐᓂᐊᓂᕐᒥᒃ ᒪᑯᓄᖓᓅᓕᖓᔪᓂᑦ: • ᐃᓕᓐᓂᐊᖁᓪᓗᓯ ᐱᒍᓐᓇᕕᒋᔭᑦᓯᓂᒃ ᐊᒻᒪᓗ ᖃᓄᖅ ᓱᓇᓕᒫᑦ ᐱᑐᑦᓯᒪᓲᖑᒻᒪᖔᑕ JBNQA-ᒧᑦ • ᐆᑦᑐᕋᕐᓂᑯᑦ ᐱᕕᑦᓴᖃᕐᑎᓯᒍᑎᐅᑦᓱᓂ ᓄᑖᒥᒃ ᑕᑯᓐᓇᐅᓯᖃᕈᓐᓇᒪᖔᑦᓯ JBNQA ᐃᓗᓕᖏᑦᑕ ᒥᑦᓵᓄᑦ (ᐃᓕᓐᓂᐊᓂᓕᕆᓂᕐᒥᒃ ᐊᒻᒪᓗ ᐃᓱᒪᒃᑯᑦ ᖃᓄᐃᖕᖏᓯᐊᕐᓂᒥᒃ) • ᖃᐅᔨᒪᓂᐅᔪᓂᒃ ᐊᒻᒪᓗ ᐱᔪᓐᓇᐅᑎᐅᔪᓂᒃ ᒫᓐᓇᐅᔪᖅ ᐊᐅᓚᑦᓯᔨᓂᒃ ᐱᓯᒪᔪᓂᒃ ᐃᓕᓐᓂᐊᑎᑦᓯᓂᖅ (ᐃᓕᓐᓂᐊᓂᓕᕆᓂᕐᒥᒃ ᐊᒻᒪᓗ ᐃᓱᒪᒃᑯᑦ ᖃᓄᐃᖕᖏᓯᐊᕐᓂᒥᒃ) • ᖃᐅᔨᒪᔭᐅᔪᓂᒃ ᐊᒻᒪᓗ ᐱᔪᓐᓇᐅᑎᐅᔪᓂᒃ ᐃᓕᑦᓯᒐᓱᐊᕐᓂᖅ ᒫᓐᓇᐅᔪᖅ ᐊᐅᓚᑦᓯᔨᓂᒃ ᐱᓯᒪᔪᓂᒃ ᐊᒻᒪᓗ ᐃᓄᒻᒪᕆᓂᓐᓂᒃ • ᐃᑲᔪᕐᑐᐃᓂᖅ ᐱᑐᑦᓯᒪᐅᑎᑖᑉᐸᓕᐊᓂᒃᑯᑦ ᐃᒻᒥᒎᓈᕐᑎᑐᓂᒃ ᐱᓯᑎᓂᒃ ᐅᕕᒃᑲᓂᑦ ᐊᒻᒪᓗ ᐊᔪᖀᒋᐊᕐᑎᓂᑦ.
ᐱᒍᒪᓂᖃᕐᑐᑎᑦ ᓴᐳᒻᒥᖃᑎᖃᒍᒪᓂᕐᒥᒃ ᐅᕙᑦᑎᒍᑦ, ᐃᓕᑦᓯᒍᑎᒋᒋᐊᓪᓚᒍᒃ ᓱᓇᓂᒃ ᓴᐳᒻᒥᒍᑎᖃᕐᒪᖔᑦᑕ ᓄᓇᕕᒻᒥᐅᑦ ᐅᕕᒃᑫᖁᑎᖏᓐᓂᒃ ᑕᒣᓐᓂᒃ ᑲᕙᒪᐅᔫᓐᓂᒃ, ᐊᑐᐊᕐᓯᒋᑦ ᐊᓪᓚᑕᕕᓂᕗᓐᓂᒃ!
ᐊᑐᐊᕐᓯᒋᐊᓪᓚᓂᖅ RAJ