ᐃᓱᒪᒃᑯᑦ ᖃᓄᐃᖕᖏᓯᐊᕐᓂᒧᑦ ᑐᓴᐅᒪᔭᐅᑎᑦᓯᓂᖅ

ᑖᓐᓇ ᐱᑐᑦᓯᕗᖅ ᐃᓅᓯᕐᒥ ᖁᕕᐊᓲᑎᑦᓴᖃᕐᓂᒧᑦ, ᐃᓚᒋᐊᕐᓱᒍ ᐃᓱᒪᒃᑯᑦ ᖃᓄᐃᖕᖏᓯᐊᕐᓂᒧᑦ ᑐᓴᐅᒪᔭᐅᑎᑦᓯᓂᖅ.

ᑖᑦᓱᒪ ᑐᓴᐅᒪᔭᐅᑎᑦᓯᒐᓱᐊᕐᓂᐅᑉ ᑐᕌᒐᖓ ᑐᓴᐅᒪᑎᑦᓯᓂᖅ ᐅᕕᒃᑲᓕᒫᓂᑦ ᐃᓱᒪᒃᑯᑦ ᖃᓄᐃᖕᖏᓯᐊᕋᓱᐊᕐᓂᒥᒃ ᐊᒻᒪᓗ ᑫᓪᓗᑐᕐᓗᒋᑦ ᐅᓪᓗᑕᒫᑦ ᒥᑭᔪᓂᒃ ᓱᒐᓚᖃᑦᑕᖁᓪᓗᒋᑦ ᐱᐅᓯᐅᒥᒋᐊᖁᓪᓗᒋᑦ ᖃᓄᐃᖕᖏᓯᐊᕆᐊᖃᕐᓂᖏᑦ ᐊᒻᒪᓗ ᐃᑲᔪᕐᓗᒋᑦ ᐃᓄᐃᑦ ᐊᕙᑎᖏᓐᓃᑐᑦ. ᑕᒪᒃᑯᐊ ᖃᓄᐃᖕᖏᓯᐊᕋᓱᐊᕐᓂᒧᑦ ᐱᔭᑦᓭᑦ ᐃᑲᔪᕐᓯᓲᑦ ᐅᕕᒃᑲᓂᑦ ᑐᑭᓯᒪᑦᓯᐊᓂᒃᑯᑦ ᐊᑦᔨᒌᖕᖏᑐᑎᒍᑦ ᓱᒋᐊᕐᓃᑦ ᓱᕐᕃᓚᕆᓲᖑᒻᒪᑕ ᐱᐅᓯᐅᒦᒋᐊᕐᓱᑎᒃ ᑎᒥᒃᑯᑦ ᐃᓱᒪᒃᑯᓗ. ᑎᒥᒧᑦ ᐊᒻᒪᓗ ᐃᓱᒪᒃᑯᑦ ᖃᓄᐃᖕᖏᓯᐊᕋᓱᐊᕐᓃᑦ ᒥᑦᓵᓄᑦ ᑐᓴᐅᒪᑎᑦᓯᓂᖅ ᐱᒻᒪᕆᐅᕗᖅ. ᓱᓇ ᓂᕆᐅᒋᔭᐅᕙ ᑖᓐᓇ ᑐᓴᐅᒪᑎᑦᓯᒍᑎᑦᓴᓯᐊᖑᕗᖅ ᐊᒻᒪᓗ ᐱᐅᖕᖏᑐᓂᑦ ᐃᓱᒪᑦᑌᓕᒪᒐᓱᐊᕈᑎᑦᓴᓯᐊᖑᑦᓱᓂ, ᐊᒻᒪᓗᒋᐊᓪᓚᖅ ᐱᕕᑦᓴᓯᐊᖑᑦᓱᓂ ᑫᓪᓗᑐᐃᓂᒃᑯᑦ ᐅᕕᒃᑲᓂᖅ ᓱᒋᐊᕐᓂᒥᒃ ᖃᓄᐃᖕᖏᓯᐊᕋᓱᐊᖁᓪᓗᒋᑦ ᐊᒻᒪᓗ ᐃᒻᒥᓄᑦ ᐅᑉᐱᒋᔭᖃᕐᓂᒥᒃ ᐱᕕᑦᓴᑖᖁᓪᓗᒋᑦ, ᐊᑕᐅᑦᓯᑯᓪᓗ ᖃᕆᑕᐅᔭᑎᒍᑦ ᑐᓴᐅᒪᖃᑎᒌᕝᕕᐅᔪᒥ ᐱᐅᔪᓂᑦ ᓄᐃᑦᓯᖃᑦᑕᖁᓪᓗᒋᑦ. ᓂᕆᐅᒋᔭᐅᔪᑦ ᓄᐃᒐᔭᕐᑐᑦ ᑐᓴᐅᒪᔭᐅᑎᑦᓯᓂᒃᑯᑦ ᐅᕕᒃᑲᐅᖃᑎᒌᑦᑐᓄᑦ ᖃᓄᖅ ᐱᒻᒪᕆᐅᑎᑦᓯᒋᐊᖃᕐᒪᖔᒻᒥ ᐃᓱᒪᒃᑯᑦ ᖃᓄᐃᖕᖏᓯᐊᕋᓱᐊᕐᓂᒥᒃ, ᓇᓗᓇᖕᖏᑐᓂᑦ ᐆᑦᑑᑎᓂᑦ ᑐᓴᕐᑎᓯᖃᑦᑕᓂᖅ ᖃᓄᐃᓘᒍᓐᓇᕋᔭᕐᒪᖔᑕ ᖃᐅᑕᒫᑦ ᓱᖃᑦᓯᓂᕆᔭᒥᓂᒃ. ᐅᕕᒃᑲᓂᑦ ᑫᓪᓗᑐᐃᓯᒪᔪᒍᑦ ᑕᑯᓐᓇᕋᑦᓴᒥᒃ ᓀᑦᑐᒥᒃ ᐋᕐᕿᓱᐃᖁᓪᓗᒋᑦ ᐊᓯᒥᓂᑦ ᐃᓚᐅᖃᑕᐅᖁᔨᓗᑎᒃ ᐱᓕᐅᑦᔨᓂᕐᒧᑦ. ᐊᑐᓂ ᐊᑦᔨᓕᐊᕕᓃᑦ ᕓᔅᐳᒃᑎᒍᑦ ᖃᕆᑕᐅᔭᒃᑯᑦ ᐃᓕᔭᐅᖃᑦᑕᓯᒪᔪᑦ ᐅᕗᖓ #qarjuityouthcouncil ᐊᒻᒪᓗ ᖃᕆᑕᐅᔭᑎᒍᑦ Tik Tok-ᒋᔭᑦᑕ ᒪᑉᐱᒐᖓᓄᑦ. ᑭᖑᓪᓕᒥ ᐊᓪᓚᓂᐊᒐᓕᐅᓛᓕᕐᒥᔪᑦ: ᐅᐱᕐᖔᖅ 2024-ᒥ