ᓄᐃᑕᐅᔪᑦ N° 12
ᑐᖕᖓᓱᒋᑦ ᐱᓇᓱᐊᖃᑎᒌᑦᑐᓄᑦ ᑭᐊᕆᓐ ᕘᑲᓴᓐ – ᐱᓇᓱᑦᑐᓕᕆᕕᒻᒥ ᐊᓪᓚᕕᒻᒦᑎ
“ᖁᕕᐊᓱᒃᑯᖓ ᐱᓇᓱᒐᕐᑖᕋᒪ ᐱᓇᓱᑦᑐᓕᕆᕕᒻᒥ ᐊᓪᓚᕕᒻᒦᑎᐅᓂᕐᒥᒃ.”
ᑐᑭᓯᒪᑦᓯᐊᓱᖓ ᐊᓕᐊᒋᔭᖃᑦᓯᐊᓱᖓᓗ ᐃᑲᔪᕐᑐᕆᐊᒥᒃ ᖃᕐᔪᐃᑦ ᐅᕕᒃᑫᑦ ᑲᑎᖕᖓᔨᖏᑦᑕ ᐋᕐᕿᓯᒪᒍᓯᖓᓂᒃ ᐊᒻᒪᓗ ᑐᕌᒐᖓᓂᒃ, ᐃᑉᐱᓂᐊᕆᔭᖃᕐᓯᒪᕗᖓ ᐱᕕᑦᓴᖃᑦᓯᐊᓕᕐᓂᕋᓂᒃ ᐃᑲᔪᕐᑐᒐᓱᐊᕐᓂᒥᒃ ᐱᕈᕐᐸᓕᐊᓂᖓᓂᑦ ᐊᒻᒪᓗ ᐱᕙᓪᓕᐊᓂᖓᓂᑦ. ᐱᓇᓱᐊᕐᓯᒪᓕᕐᖁᖓ ᑕᕐᕋᒥ ᐊᕐᕌᒍᓂᑦ 20-ᓂᑦ ᐃᓄᓕᕆᕕᒃᑯᓂ ᐊᒻᒪᓗ ᐅᕕᒃᑫᑦ ᓴᐳᒻᒥᔭᐅᕕᖏᓐᓂ. ᐱᓇᓱᓐᓂᓕᒫᕋᓂ, ᑐᑭᓯᒪᓂᕐᑖᓚᕆᑦᓯᒪᔪᖓ ᐊᒻᒪᓗ ᐱᔪᓐᓇᓂᕐᑖᓱᖓ ᒪᓕᑦᑕᐅᓯᐊᕆᐊᖃᕐᓂᖏᓐᓄᑦ ᐱᖁᔭᓕᕆᓃᑦ, ᖃᐅᔨᓴᕐᓂᖃᓪᓚᕆᒋᐊᖃᕐᓂᒥᒃ, ᐊᔪᖀᒋᐊᕐᓂᒥᒃ ᐃᓱᐃᓪᓕᐅᕈᑎᓂᒃ ᑐᑭᑖᕆᒐᓱᐊᕐᓂᑯᑦ, ᐊᓪᓚᓯᒪᔪᓕᐅᕆᐊᖃᕐᓂᒥᒃ, ᐊᒻᒪᓗ ᐱᒍᑦᔨᓂᕐᒥᒃ ᑎᒥᐅᔪᖅ ᐃᕐᖃᑐᐃᕕᑎᒎᕐᑎᓗᒍ.
ᐃᓚᐅᔪᐃᑦ ᑲᑎᖕᖓᔨᓄᑦ ᑐᖕᖓᓇᓪᓚᕆᖃᑦᑕᑐᑦ ᐊᒻᒪᓗ ᐃᑲᔪᕐᑐᕈᓱᑦᓱᑎᒃ ᐅᕙᓐᓂᑦ. ᐃᓄᑦᓯᐊᐸᐅᔮᓗᐃᑦ ᐱᓇᓱᐊᖃᑎᒋᑦᓱᒋᑦ, ᐊᒻᒪᓗ ᖁᕕᐊᓲᑎᖃᕐᖁᖓ ᖃᕐᔪᐃᑦ ᐅᕕᒃᑫᑦ ᑲᑎᖕᖓᔨᖏᑦᑕ ᓯᕗᓂᖓᓂᒃ!
ᑭᐊᕆᓐ ᕘᑲᓴᓐ – ᐱᓇᓱᑦᑐᓕᕆᕕᒻᒥ ᐊᓪᓚᕕᒻᒦᑎ
ᑭᐊᕋᓐ ᐊᖏᕐᑐᕕᓂᖅ ᐱᓇᓱᒐᕐᒥᒃ ᐱᓇᓱᑦᑐᓕᕆᕕᒻᒥ ᐊᓪᓚᕕᒻᒦᑎᐅᓂᐊᕐᓱᓂ ᑎᕆᓪᓗᓕᐅᑦ 13, 2023-ᖑᑎᓪᓗᒍ
