12-ᒋᔭᖓᑦ ᑐᓴᕋᑦᓭᑦ
ᓀᓪᓕᑎᕐᓯᒪᔪᖅ ᑭᓇᐅᓂᖓ ᐁ, ᑖᕝᓂ ᑳᓪᕕᓐᖑᕗᖓ. ᑰᑦᔪᐊᕌᐱᒻᒥ ᑯᐯᒻᒥ ᐱᕈᕐᓴᓯᒪᕗᖓ ᐃᓅᓯᓕᒫᕋᓂ ᐊᒻᒪᓗ ᒫᓐᓇᐅᓕᕐᑐᖅ ᒪᓐᑐᔨᐊᓪᒥᐅᖑᓕᕐᖁᖓ ᑯᐯᒻᒥ ᓴᐳᒻᒥᒐᓱᐊᕐᓱᖓ ᐁᑉᐸᕆᓕᕐᑕᕋᓂᒃ 13-ᓂᑦ ᐊᕐᕌᒍᓂᑦ ᐃᓕᓐᓂᐊᓂᕐᒥᒃ ᑲᔪᓯᐅᑦᔨᑎᓪᓗᒍ. ᐊᓈᓇᐅᕗᖓ ᑕᓪᓕᒪᓂᑦ ᕿᑐᕐᖓᖃᕐᓱᖓ. ᒥᕐᓱᑎᐅᓲᖑᕗᖓ; ᐊᑦᔨᓕᐅᕆᔨᐅᑦᓱᖓ ᐊᒻᒪᓗ ᐱᕐᖁᓯᑐᖃᕐᓂᒃ ᐱᐅᑦᓴᓲᖑᕗᖓ. ᐱᓇᓱᐊᕋᑦᓴᓂᒃ ᐊᐅᓚᑦᓯᔨᖕᖑᖃᒻᒥᐅᕗᖓ ᖃᕐᔪᐃᑯᓐᓂ. ᐱᓇᓱᑦᑎᑖᕆᔭᐅᓚᐅᔪᕗᖓ ᐊᒥᕃᔭᐅᑦ 25, 2023-ᖑᑎᓪᓗᒍ ᐊᒻᒪᓗ ᖁᕕᐊᓱᒃᑯᖓ ᐃᓚᐅᖃᑕᐅᓯᒋᐊᒥᒃ ᐱᓇᓱᑦᑎᐅᖃᑎᒌᑦᑐᓄᑦ! ᐃᓚᐅᔪᖕᖑᓱᖓ ᐱᓇᓱᑦᑎᕈᕐᓂᒥᒃ ᖃᕐᔪᐃᑦ ᐅᕕᒃᑫᑦ ᑲᑎᖕᖓᔨᖏᓐᓄᑦ ᐱᓇᓱᐊᕋᑦᓴᓂᒃ ᐊᐅᓚᑦᓯᔨᖕᖑᓂᖅ ᖁᕕᐊᒋᓪᓚᕆᑦᑕᕋ ᐃᑲᔪᕐᓯᓚᖓᔪᕆᒐᒪ. ᖃᐅᔨᒪᓂᖃᑦᓯᐊᖁᖓ ᐊᑐᕈᓐᓇᕆᐊᒥᒃ ᖃᕆᑕᐅᔭᑎᒍᑦ ᑐᓴᐅᒪᖃᑎᒌᕝᕕᐅᔪᓂ ᐊᒻᒪᓗ ᐃᓄᓐᓂᒃ ᐱᓇᓱᐊᖃᑎᖃᕆᐊᒥᒃ. ᐱᓇᓱᒐᕐᖄᕆᓚᐅᔭᕋ ᐃᓗᕐᕈᓯᕐᒥᒃ ᑐᑭᒧᐊᕐᑎᓯᔨᐅᓂᖅ ᑲᑎᑦᑕᕕᒻᒥ ᖃᐅᔨᒪᓂᕐᑖᕈᑎᒋᓪᓚᕆᑦᓯᒪᔭᕋ ᐊᐅᓚᑦᓯᒍᓐᓇᓯᑦᓱᖓ ᐱᓇᓱᐊᕋᑦᓴᐅᔪᓂ ᓄᓇᓕᒐᓂᒃ ᑰᑦᔪᐊᕌᐱᒻᒥ ᐊᒻᒪᓗ ᖁᕕᐊᓱᒃᑯᖓ ᐃᑲᔪᕐᓯᓛᕆᐊᒐᓂᒃ ᐅᕕᒃᑲᓂᑦ ᐱᒋᐊᖕᙰᒐᓱᐊᕐᓂᒥᒃ ᓇᒻᒥᓂᖅ ᐱᓇᓱᐊᕋᑦᓴᓂᒃ ᓄᓇᕕᒻᒥ. ᓇᑯᕐᒦᕈᒪᕗᖓ ᑲᑎᖕᖓᔨᓂᑦ ᐅᕙᓐᓂᒃ ᐅᑉᐱᒋᔭᖃᑦᓯᐊᓂᖏᓐᓄᑦ ᑖᑦᓱᒥ ᐱᓇᓱᒐᐅᑉ ᐃᓂᖓᓅᕐᑎᓗᖓ ᐊᒻᒪᓗ ᓇᑯᕐᓴᓱᖓ ᐱᓇᓱᑦᑎᐅᖃᑎᒌᑦᑐᓂᒃ ᐊᓕᐊᓇᕐᑑᖃᑦᑕᒪᑕ ᐱᓇᓱᐊᖃᑎᒋᑦᓱᒋᑦ. ᕿᓚᓈᕐᖁᖓ ᐱᓇᓱᐊᕋᑦᓴᓂᒃ ᓄᐃᑦᓯᖃᑦᑕᓛᕆᐊᒥᒃ ᐊᒻᒪᓗ ᐃᑲᔪᕐᑐᓯᐊᖃᑦᑕᓗᖓ ᐱᒍᓐᓇᕕᓕᒫᕋᓄᑦ. ᓇᑯᕐᒦᒃ
– ᑖᕝᓂ ᑳᓪᕕᓐ – ᖃᕐᔪᐃᑦ ᐅᕕᒃᑫᑦ ᑲᑎᖕᖓᔨᖏᑦᑕ ᐱᓇᓱᐊᕋᑦᓴᓂᒃ ᐊᐅᓚᑦᓯᔨ
