ᐃᑕᐅᔪᑦ N° 11
“ᑖᓐᓇ ᓱᖃᑦᓯᓂᖅ ᑐᑭᓯᓕᐅᒥᑎᑦᓯᔪᕕᓂᖅ ᓯᕗᓕᕐᓂᐅᑉ ᒥᑦᓵᓄᑦ ᐊᒻᒪᓗ ᐱᔪᓐᓇᐅᑎᒋᔭᑦᑎᓂᒃ ᐃᓅᑦᓱᑕ…ᑖᓐᓇ ᐱᒋᐊᕐᓂᑐᐃᓐᓇᖓ ᓯᕗᓂᑦᓴᓯᐊᒧᑦ ᑎᑭᐅᑎᒍᑎᑦᓴᕗᑦ ᐱᑦᔪᑎᒋᑦᓱᒋᑦ ᑭᖑᕚᑦᓴᕗᑦ.”
ᐃᓚᐅᔫᖃᑕᐅᔪᒧᑦ ᐅᖃᕐᑕᐅᔪᕕᓂᖅ
ᐁ, ᑦᔮᓇᔅ ᐹᓴᓐᔅᖑᕗᖓ, ᓯᕗᓪᓕᐹᑦᓯᐊᒥᒃ ᐊᑑᑎᓯᒪᔭᑦᑎᓂ ᐅᖄᕈᑎᖃᕈᒪᕗᖓ ᐊᖏᖃᑎᒌᓐᓂᒧᑦ ᐆᑦᑐᕋᐅᑎᕕᓂᑦᑕ ᒥᑦᓵᓄᑦ ᐊᓂᕐᕋᕋᓂᒃ ᑰᑦᔪᐊᒥ, ᐆᒃᑑᐱᕆ 2022-ᖑᑎᓪᓗᒍ. ᐅᑉᐱᓇᓚᐅᔪᖕᖏᑐᖅ, ᐳᐃᒍᕐᓇᕋᓂᓗ, ᐱᐅᔪᕐᔪᐊᖑᓚᐅᔪᖅ ᐅᕕᒃᑲᓄᑦ ᐅᕙᓐᓄᓗ ᑐᓵᑦᓱᓂ ᓯᕗᓕᕐᑎᒐᓚᓐᓂᒃ ᐱᓯᑎᐊᓗᓐᓂᒃ ᓄᓇᕕᒻᒥᐅᖑᑦᓱᑎᒃ ᐱᓇᓱᐊᕐᓂᙯᓐᓇᓕᒫᓲᑦ ᐊᔪᐃᓐᓇᕈᑎᖃᕐᓱᑎᒃ ᐱᔪᓐᓇᑎᖃᖁᓪᓗᑕ ᐃᓅᑦᓱᑕ ᐅᓪᓗᒥ. ᐃᓚᖓᓂ ᐊᔪᕐᓇᖏᑦᑐᔫᔮᓲᖑᒐᓗᐊᖅ ᐃᑦᓯᕙᖃᑎᖃᕐᓱᓂ ᑲᕙᒪᑦᑎᓂᒃ ᑕᒪᒋᓐᓂᒃ, ᑲᓇᑕᒃᑯᓂ ᐊᒻᒪᓗ ᑯᐯᒃᑯᓂ ᐊᖏᖃᑎᒌᖃᑎᖃᓕᕋᑦᑕ, ᑭᓯᐊᓂ ᐃᓕᑦᓯᒪᕗᖓ ᐊᕐᓱᕈᕐᓇᑑᕈᓐᓇᓂᖓᓄᑦ. ᑐᑭᓯᓇᑦᓯᐊᕋᓱᐊᕆᐊᓕᒃ ᐊᒻᒪᓗ ᑐᕃᓐᓇᑐᒥᒃ ᑐᑭᐊᓅᕐᑎᓯᒐᓱᐊᕐᓗᓂ ᐊᖏᖃᑎᒌᓐᓂᖃᓕᕈᑎᒃ ᑕᒪᒋᒃ ᐊᖏᖃᑎᒌᑦᑑᒃ. ᐃᓕᑦᓯᕆᐊᓪᓛᕈᒪᓂᖃᕐᖁᖓ ᐱᕈᕐᐸᓕᐊᕈᑎᒋᓗᒍᓗ ᓱᖃᑦᓯᑎᑕᐅᓂᕗᑦ, ᓄᓇᓕᑦᑎᓂ ᓱᔪᖃᓕᕋᓗᐊᕐᒪᖔᑦ ᑐᑭᓯᒣᓐᓇᓯᐊᖃᑦᑕᓂᐊᕐᖁᖓ ᓯᕗᓕᕐᑎᒐᓚᑦᑎᓂᑦ ᓯᕗᓂᕐᒥᒃ ᓯᕗᓕᕐᑎᓯᐊᖑᒍᒫᕋᒪ ᐅᓪᓗᓂ ᙯᔪᓂ. ᓯᕗᓪᓕᐹᑦᓯᐊᒥᒃ ᑲᑎᒪᖃᑎᐅᒋᐅᕐᑐᕕᓂᐅᕗᖓ ᑖᒃᑯᓇᓂ ᑲᑎᒪᓂᕐᒥ. ᐊᔪᖀᒋᐊᕐᑏᑦ ᐅᖃᕐᑐᕕᓃᑦ (ᓄᓇᕕᒻᒥ ᓯᕗᓕᕐᑏᑦ) ᐊᒻᒪᓗ ᑐᓵᔩᑦ, ᐊᔪᖕᖏᑑᔪᕕᓂᐅᓂᕋᓂᒃ. ᑦᔮᓇᔅ ᐸᐅᓴᓐᔅ ᐊᖓᔪᕐᖄᖅ ᖃᕐᔪᐃᑦ ᐅᕕᒃᑫᑦ ᑲᑎᖕᖓᔨᖏᑦ
“ᐅᑉᐱᒋᔭᖃᕐᑐᖓ ᐅᕕᒃᑫᑦ ᖃᐅᔨᒪᑎᑦᓯᐊᖏᒋᐊᖏᑦ JBNQA ᒥᑦᓵᓅᓕᖓᔪᒥᒃ”, ᑲᐅᑦᓴᐅᓕ ᐅᖃᕐᑐᕕᓂᖅ. “ᐃᓕᓐᓂᐊᑎᑦᓯᒍᑎᐅᓲᖑᖕᖏᑐᖅ ᐳᕐᑐᓂᕐᓴᒥ.” “ᓄᓇᕕᒻᒥᐅᓂᒃ ᐅᕕᒃᑲᓂᒃ ᐱᕕᑦᓴᖃᕐᑎᓯᒐᔭᕐᑐᖅ ᐃᓕᑦᓯᓕᐅᒥᑎᑦᓯᓗᓂ ᑕᒪᑦᓱᒪ ᒥᑦᓵᓅᓕᖓᔪᒥᒃ.” ᐊᖏᖃᑎᒌᒍᑎᕕᓂᖅ ᐊᕐᕌᒍᓂᒃ ᖁᓖᑦ ᒪᕐᕈᕕᑦᓱᒍ ᐅᖓᑖᓄᓪᓗ ᐊᑑᑎᓯᒪᓕᕐᑑᒐᓗᐊᖅ, ᑲᐅᑦᓴᐅᓕ ᐅᖃᕐᑐᕕᓂᖅ ᐊᒥᓱᐊᓗᐃᑦ ᐅᕕᒃᑫᑦ ᓄᓇᕕᒻᒥᐅᑦ ᑐᓴᐅᒪᖕᖏᑐᑦ ᓱᕐᕋᑕᐅᓂᕕᓂᖓᓄᑦ ᓄᓇᕕᒃ, ᐊᒻᒪᓗ ᑐᑭᓯᒪᑎᑕᐅᕐᖃᔭᒐᑎᒃ ᐅᖁᒣᓪᓕᐅᒍᑎᐅᔪᐃᑦ ᒥᑦᓵᓄᑦ ᐳᕐᑐᓂᕐᓴᒥ ᐃᓕᓐᓂᐊᕆᐊᓪᓛᓕᕋᒥᒃ ᑐᓴᑦᓴᕋᑕᓲᑦ ᓄᓇᕕᒃ ᓯᕗᓂᑦᓴᕘᒃᑯᓂ ᒪᓐᑐᔨᐊᓪᒥ
ᓕᓐᑕ ᖃᐅᑦᓵᓕᒃ ᑕᓯᐅᔭᕐᔪᐊᑉ ᓄᕗᐊ ᑲᑎᖕᖓᔨ
