ᐃᑕᐅᔪᑦ N° 11
2022-ᖑᑎᓪᓗᒍ, ᐃᓂᓪᓚᑎᕆᓚᐅᕐᓯᒪᔪᒍᑦ ᓄᓇᕕᒻᒥᐅᑦ ᐅᕕᒃᑫᑦ ᒪᕐᕉᓂᒃ ᐃᓚᐅᑎᑦᓯᖃᑦᑕᓂᒃᑯᑦ ᕿᒥᕐᕈᖁᓪᓗᑕ ᐃᓚᐅᑎᑦᓯᓂᒃᑯᑦ, ᑐᕌᒐᖃᕐᑎᓯᓂᒃᑯᑦ ᐊᒻᒪᓗ ᓯᕗᓕᕋᓱᐊᕐᓂᐅᑉ ᒥᑦᓵᓅᓕᖓᔪᓂᒃ. ᐅᖄᕈᑎᖃᕐᓯᒪᔪᒍᑦ ᐃᓕᑦᓯᖃᑦᑕᓱᑕᓗ ᐅᕕᒃᑫᑦ ᐅᖃᐅᓯᖏᑦ ᓲᖑᔪᒻᒪᕆᐅᓂᖏᓐᓄᑦ ᐊᒻᒪᓗ ᖃᓄᖅ ᐃᓚᐅᑎᑦᓯᖃᑦᑕᓂᖅ ᐱᐅᔪᕐᔪᐊᖑᒻᒪᑦ ᐅᕕᒃᑲᓄᑦ!
ᓱᓇᓂᒃ ᖃᐅᔨᒍᒪᓐᓂᕿᑕ?
- ᓱᓇᓄᑦ ᐅᕕᒃᑫᑦ ᑫᓪᓗᑐᕐᑕᐅᓂᖃᓲᖑᒻᒪᖔᑕ ᐃᓚᐅᒍᒪᓚᕿᑦᓱᑎᒃ ᐊᒻᒪᓗ ᓄᓇᓕᒻᒥᓂᒃ ᓱᒐᓚᖃᑎᐅᓂᒃᑯᑦ?
- ᖃᓄᖅ ᐅᕕᒃᑫᑦ ᐱᕕᑦᓴᖃᕐᑎᓯᓲᖑᕙᑦ ᓄᓇᓕᒻᒥᓂᒃ ᓲᖑᓰᒋᐊᑎᑦᓯᓂᒃᑯᑦ?
- ᖃᓄᖅ ᖃᐅᔨᓴᕐᓂᖅ ᐃᑲᔪᕐᓯᒐᔭᕐᖃ ᐅᕕᒃᑫᑦ ᐃᓱᒫᓘᑎᖏᓐᓂᒃ ᐊᒻᒪᓗ ᐱᒻᒪᕆᐅᔪᖁᑎᖏᓐᓂᒃ?
ᓱᓇᓂᒃ ᐃᓕᑦᓯᓂᕐᕿᑕ?
ᐃᓚᐅᑎᑦᓯᖃᑦᑕᓂᖅ ᖃᓄᐃᖕᖏᓯᐊᓕᕐᑎᓯᓲᖅ
ᐃᓚᐅᖃᑦᑕᓱᓂ ᐊᕐᖁᑎᑦᓴᓕᐅᓲᖑᕗᖅ ᐱᒋᐊᖕᙰᒍᑎᖃᕐᓱᓂ ᐅᕕᒃᑲᓂᒃ ᐃᓚᒌᑦᑐᓂᒃ ᐊᒻᒪᓗ ᓄᓇᓕᓐᓂᒃ ᑌᒪ ᐃᑦᔭᕋᑦᓴᓯᐊᖑᑎᑦᓯᓚᕿᑦᓱᓂ. ᐃᓚᐅᑦᓯᐊᖃᑦᑕᕈᓂ ᑲᑎᖃᑎᒌᓐᓂᑯᑦ ᐱᕕᑦᓴᖃᕐᑎᓯᓲᖅ ᐅᕕᒃᑫᑦ ᖃᓄᐃᖕᖏᓯᐊᓕᕐᑎᓱᒋᑦ ᐊᒻᒪᓗ ᓄᐃᑦᓯᓚᕿᑦᓱᓂ ᐊᓐᓂᓇᕐᓂᒥᓂᒃ. ᓇᓂᓯᖃᑦᑕᓂᒃᑯᑦ ᓱᖃᑦᓯᐅᑎᑦᓴᓂᒃ, ᐃᕕᒃᑫᑦ ᓇᓗᓀᕐᓯᖃᑦᑕᓯᒪᔪᑦ ᐊᒥᓱᐊᓗᓐᓂᒃ ᐅᕕᒃᑲᓄᑦ ᐊᐅᓚᑕᐅᔪᓂᒃ ᐊᒻᒪᓗ ᐅᕕᒃᑲᓄᑦ ᐋᕐᕿᓱᕐᑕᐅᔪᕕᓂᕐᓂᒃ ᑐᕌᒐᓐᓂᒃ ᐃᑲᔪᕐᓯᓲᓂᒃ ᐅᕕᒃᑫᑦ ᐊᔪᐃᓐᓇᕈᑎᕆᓂᐊᕐᑕᖏᓐᓂᒃ. (ᐊᑦᔨᖑᐊᖅ)
ᐃᓚᐅᖃᑦᑕᓂᖅ ᓲᖑᓂᖃᕐᑎᓯᕗᖅ
“ᐃᓄᐃᑦ ᐅᕕᒃᑫᑦ ᓯᕗᓂᑦᓴᒋᔭᐅᕗᑦ ᓄᓇᓕᒻᒥᓄᑦ ᑌᒫᑐᐊᖑᖕᖏᑐᖅ, ᐅᓪᓗᒥᒐᓴᖅ. ᐃᕕᒃᑫᑦ ᒫᓐᓇᐅᕗᑦ (ᐅᖃᕐᑕᐅᒍᓯᖅ)!”
ᐃᓚᐅᖃᑦᑕᓂᖅ ᐅᖃᕈᓐᓇᕕᖃᕐᑎᓯᓂᐅᕗᖅ, ᐅᖃᖃᑦᑕᓱᓂ ᑭᖕᖒᒪᒋᔭᐅᔪᓂᒃ ᐅᖃᕐᑕᐅᕆᐊᓕᓐᓂᒃ ᐊᒻᒪᓗ ᑐᓴᕐᑕᐅᕆᐊᓕᓐᓂᒃ ᐅᕕᒃᑫᑦ ᓴᐳᒻᒥᔭᐅᖁᓪᓗᒋᑦ
ᓂᕆᐅᓐᓂᕆᔭᖏᑦ ᐊᑑᑎᒍᒪᔭᖏᓪᓗ. ᐅᕕᒃᑫᑦ ᐅᖄᕈᑎᖃᕐᓯᒪᔪᑦ ᐱᐅᔪᕐᔪᐊᓂᒃ
ᐅᕕᒃᑫᑦ ᐊᑑᑎᒍᒪᔭᖏᓐᓂᒃ ᐃᓚᐅᒍᒪᓂᕐᒥᓄᑦ ᐱᖁᔭᓕᕆᓂᕐᒥᒃ, ᓄᓇᓖᑦ
ᐱᕙᓪᓕᐊᑎᑕᐅᓂᖏᓐᓄᑦ, ᓄᓇᒥ ᐱᕙᓪᓕᐊᑎᑕᐅᓂᖏᓐᓄᑦ, ᐃᓗᓯᕐᓱᓯᐊᕐᓂᓄᑦ ᐊᒻᒪᓗ ᐃᓕᓐᓂᐊᓂᕐᓄᑦ ᐅᕕᒃᑫᑦ ᐱᒻᒪᕆᐅᔪᖁᑎᖏᑦ ᓄᐃᑎᑕᐅᖃᑦᑕᖁᓪᓗᒋᑦ.
“ᐅᕕᒃᑫᑦ ᓱᖃᑦᓯᑎᑦᓯᔨᖏᑦ ᓄᓇᓕᓐᓂ ᓲᖑᓂᖃᕐᖁᑦ ᐅᕕᒃᑫᑦ ᐃᓱᒫᓘᑎᖏᓐᓂᒃ
ᑐᓴᕐᑕᐅᑎᑦᓯᒍᓐᓇᓱᑎᒃ. ᐅᕕᒃᑫᑦ ᓱᖃᑦᓯᑎᑦᓯᔨᖏᑦ ᑌᒣᑦᑐᓂᒃ ᐱᔭᕐᓴᖃᕐᖁᑦ, ᓯᕗᓕᕐᑎᐅᓂᖅ!”.
ᐃᓚᐅᖃᑦᑕᓂᖅ ᐊᓯᑦᔨᑐᐃᒍᑦᔨᐅᑎᐅᒐᔭᕐᑐᖅ ᑲᑎᖃᑎᒌᓐᓂᐅᔪᓂ
ᑲᑎᖃᑎᒌᓐᓃᑦ ᐅᕕᒃᑫᑦ ᐃᓚᐅᑎᓪᓗᒋᑦ ᐊᓯᑦᔨᑐᐃᒍᑦᔨᐅᑎᐅᒍᓐᓇᑐᑦ ᐅᕕᒃᑲᓄᑦ ᐊᒻᒪᓗ ᓄᓇᓕᖏᓐᓄᑦ. ᐅᖄᖃᑎᕇᖃᑦᑕᓱᑎᒃ ᐅᕕᒃᑫᑦ ᓇᓗᓀᕐᓯᓯᒪᓪᓚᕆᑦᑐᑦ ᐃᓚᐅᖃᑦᑕᓃᑦ ᓂᐯᑦᑑᑎᑦᓯᓲᖑᖕᖏᒋᐊᖏᑦ ᐅᕕᒃᑫᑦ ᐅᖃᕈᒪᔭᖏᓐᓂᒃ ᑕᑯᑦᓴᐅᑎᑦᓯᓱᑎᒃ ᐊᒻᒪᓗ ᐃᓄᑐᐃᓐᓇᐅᓱᑎᒃ ᐅᖄᕈᓐᓇᕕᖃᕐᑎᓯᐅᑎᐅᑦᓱᑎᒃ. ᓄᑖᓂᒃ ᐱᕕᑦᓴᖃᕐᑎᓯᓂᖅ ᐅᕕᒃᑫᑦ ᐃᓚᐅᒍᑎᒋᒐᔭᕐᑕᖏᓐᓂᒃ ᐊᒻᒪᓗ ᐅᕕᒃᑲᓂᒃ ᐱᕙᓪᓕᐊᑎᑦᓯᒍᑎᒋᒐᔭᕐᑕᖏᓐᓂᒃ ᐱᐅᔪᒥᒃ ᐊᓯᑦᔨᑐᐃᒍᓐᓇᓂᐅᕋᔭᕐᑐᖅ ᓄᓇᕕᒻᒥ. ᓇᑯᕐᒦᒃ ᐱᐅᔪᕐᔪᐊᓂᒃ ᐅᖄᕈᑎᖃᕐᓂᕋᑦᑕ ᐊᒻᒪᓗ ᓇᓗᓀᕐᓯᐅᑎᑦᓴᓂᒃ ᓄᐃᑦᓯᓂᑦᓯᓄᑦ!
ᒪᑲᓖ ᑯᐃᓐᑕᓪ-ᒪᕆᓇᐅ & ᕉᔅ-ᒪᕇ ᑐᕉᑐᓪ L
ᑯᐯᒃᒥ ᓱᑯᐃᔦᓂᒃᑯᑦ ᖃᐅᔨᓴᕐᑏᑦ
