ᖃᕐᔪᐃᑦ ᓂᕈᐊᕐᓂᖏᑦ
ᐊᕐᕌᒍᑕᒫᑦ, ᐃᓘᓐᓇᖏᑦ ᔦᒥᓯ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᒍᑎᖓ (JBNQA) ᐃᓚᐅᔫᔪᖏᑦ ᐅᑭᐅᓖᑦ 15-ᓂᒃ 35-ᒧᑦ ᓂᕈᐊᖁᔭᐅᕙᑦᑐᑦ.
ᖃᕐᔪᐃᑦ ᐅᕕᒃᑲᐃᑦ ᑲᑎᒪᔨᖁᑎᖏᑦ ᓂᕈᐊᕐᓂᖃᕐᑎᓯᓚᖓᕗᑦ ᐊᖓᔪᕐᖄᓴᐅᑉ ᐃᓂᖓᓄᑦ, ᐊᖓᔪᕐᖄᑉ ᑐᖓᓕᖓᓄᑦ, ᖦ ᒪᕐᕉᒃ ᑲᑎᒪᔨᑐᐃᓐᓈᓄᒃ ᐃᓃᒃ ᐅᒃᑯᐃᖔᕐᒥᔫᒃ ᖃᕐᔪᐃᑦ ᐅᕕᒃᑲᐃᑦ ᑲᑎᒪᔨᖁᑎᖏᓐᓂ.
ᑎᒃᑯᐊᓯᓂᖅ!
ᐅᑭᐅᖃᕐᖀᑦ 18-ᒥᑦ 32-ᒧᑦ ᓄᓇᕕᒻᒥᐅᖑᑦᓱᑎᑦ ᓯᓵᓯᐱᒥᓪᓘᓃᑦ? ᐱᕕᑦᓴᓯᐊᒻᒪᕆᖃᕐᐳᑎᑦ ᐊᓪᓗᕆᐊᒍᑎᖃᕐᓂᒥᑦ ᐱᐅᔪᒧᑦ! ᖃᕐᔪᐃᑦ ᐅᕕᒃᑲᐃᑦ ᑲᑎᒪᔨᖁᑎᖏᑦ ᕿᓂᕐᐳᑦ ᐱᒍᓇᐅᔮᕐᑐᓂᑦ ᐃᓕᒐᓱᐊᕐᑐᓴᓂᑦ ᐊᖓᔪᕐᖄᒧᑦ, ᐊᖓᔪᕐᖄᑉ ᑐᖓᓕᖓᓄᑦ, ᐅᕝᕙᓘᓐᓃᑦ ᑲᑎᒪᔨᑦᓴᓂᒃ ᓄᕗᒻᒦᑐᓂᑦ ᑭᒡᒐᑐᕋᔭᕐᑑᓂᒃ.
ᐃᒫᑕᒡᒐ ᐃᓕᒐᓱᐊᕈᓐᓇᖁᑎᑦ: 1.**ᐊᑎᓕᐅᕐᑎᓯᓗᑎᑦ ᐅᕕᒐᕐᑐᓂᑦ ᖁᓕᓂᑦ [10]** ᓴᐳᒻᒥᓂᐊᕐᑐᓂᑦ ᑕᑕᕐᓴᓯᒪᔭᑎᓐᓂᑦ.
2. ** ᒪᕐᕉᓂᒃ ᐃᓕᑕᕆᔭᐅᒍᑏᒃᑭᓂᒃ ᓇᑦᓴᓯᓗᑎᑦ** ᖃᐅᔨᓴᕐᑕᐅᖁᔨᓗᑎᓪᓗ ᒪᓕᒐᕐᒥᒃ ᒪᓕᖕᖏᑑᓯᒪᒻᒪᖔᕐᐱᑦ ᐱᖁᔭᑎᒍᑦ **.
3. ** ᐊᐅᓪᓚᑎᓗᒋᑦ ᑕᑕᕐᓴᓯᒪᔪᑦ ** ᖃᕆᑕᐅᔭᑎᒍᑦ ᐱᑐᒍᑎᕗᒍᑦ ᐊᓪᓚᕕᖃᕐᓗᓯ ᐅᕗᖓ (election@qarjuit.ca),
messenger-ᑯᑦ, ᓱᑲᑦᑐᑎᒍᑦ ᐊᐅᓪᓚᑎᓗᒋᓪᓘᓂᑦ (1-819-964-3153). ᑕᑕᕐᓴᕋᑦᓴᐃᑦ ᐊᓪᓚᕕᑦᓴᑎᒍᑦ ᓇᕝᕚᕈᓐᓇᒥᔭᓯ ᑲᕙᒫᐱᒃᑯᑦ ᐊᓪᓚᕕᖓᓂᑦ ᓄᓇᓕᑦᓯᓂ, facebook-ᑯᑦ, ᐅᕝᕙᓘᓐᓃᑦ ᖃᕆᑕᐅᔭᑎᒍᑦ ᑐᕌᕈᑎᖓᑎᒍᑦ @www.qarjuit.ca
** ᐃᓱᓕᕝᕕᓴᖓᑦ: ᐊᐅᔭᓪᓕᕈᑦ 15!** ⏳
ᐃᓚᐅᖃᑕᐅᒋᑦ ᐱᓇᓱᐊᕐᑎᓯᐊᖁᑎᐊᓗᑦᑎᓄᑦ ᐊᓯᑦᔨᑐᐃᓂᖃᖃᑕᐅᓗᑎᓪᓗ ᑕᑯᕈᒪᔭᑎᓐᓂᑦ ᓱᓕᓕᕐᑎᓯᓗᑎᑦ! ᐊᓐᓇᐃᑕᐃᓕᒋᑦ ᑖᑦᓱᒥᖓ ᖁᕕᐊᓇᕐᑐᒪᕆᐊᓗᒻᒥᒃ ᐱᕕᑦᓴᓯᐊᒻᒪᕆᐊᓗᒻᒥᑦ!
ᑲᑎᒪᔩᑦ ᐱᔭᑦᓴᕆᔭᖏᑦ – 3-ᓂᒃ ᐊᕐᕌᒎᔪᓂᒃ
- ᑭᒡᒐᑐᕐᓗᓂ ᐊᔪᐃᓐᓇᒍᑎᖃᕐᓗᓂᓗ ᖃᕐᔪᐃᑦ ᐅᕕᒃᑫᑦ ᑲᑎᒪᔨᖏᑦᑕ ᐱᓂᐊᕐᓂᕆᔭᖓᓂᒃ ᐊᓐᓂᕆᔭᖏᓐᓂᓗ;
- ᑭᒡᒐᑐᕐᓗᓂ ᐅᕕᒃᑫᑦ ᐱᓯᒪᔪᓂᒃ 5-ᓂᒃ ᓄᓇᓕᓐᓂᒃ ᑕᕝᕙᓂ ᓯᓈᖁᑎᓯᓐᓂ;
- ᐱᕙᓪᓕᐊᑎᓗᒋᑦ ᖃᐅᔨᒋᐊᕐᕕᐅᒐᔭᕐᑐᑦ ᐃᓄᑑᓈᕐᑎᑐᓂᒃ ᑕᕝᕙᖓ ᐱᓯᒪᔪᓂᒃ ᓄᓇᓕᒻᒥᑕ ᑭᒡᒐᑐᕐᑕᖏᓐᓂᒃ;
- ᐅᓪᓗᒥᓂᑕᐅᑎᑦᓯᓂᕐᒥᒃ ᑌᒪᖕᖓᓕᒫᖅ ᖃᐅᔨᒪᒋᐊᓕᓐᓂᒃ ᐃᓄᑑᓈᕐᑎᑐᓂᒃ ᑎᒥᐅᔪᓂᓪᓗ ᑐᑭᓯᒍᑎᑦᓴᖏᓐᓂᒃ ᐃᓕᖓᔪᓂᒃ ᖃᕐᔪᐃᑦ ᐅᕕᒃᑫᑦ ᑲᑎᔨᖏᓐᓄᑦ;
- ᐃᑲᔪᕐᓗᓂ ᐱᓇᓱᐊᕐᕕᙯᓐᓇᓗᓂᓗ ᐃᓚᐅᓂᕐᒥᒃ ᑕᕐᖀᑦ 10-ᓂ ᐅᖄᓚᐅᑎᑎᒍᑦ ᑲᑎᒪᓂᕐᓂᒃ ᑕᒡᒍᒧᓪᓗ ᑲᑎᒪᓂᕐᓂᒃ ᐊᕐᕌᒍᑕᒫᕐᓯᐅᑎᒥᓪᓗ ᑲᑎᒪᓂᕐᓂᒃ;
- ᑎᒍᒥᐊᖏᓐᓇᓂᕐᒥᓗ ᐃᓱᒫᓘᑎᐅᔪᓂᒃ ᑭᖕᖒᒪᒍᑎᐅᔪᓂᓪᓗ; ᐊᑐᓂ ᓄᓇᓖᑦ ᑕᕝᕙᓂ ᓯᓈᒥᑦᑕ ᓄᓇᖃᕐᕕᖏᓐᓂ;
- ᑲᔪᓯᒪᑎᑦᓰᓇᓯᐊᕐᓗᓂ ᐃᓗᓐᓀᑕ ᑭᒡᒐᑐᕐᑕᐅᓂᑦᓴᖏᓐᓄ ᐊᑐᓂ ᑭᒡᒐᑐᕐᑕᐅᓂᖏᓐᓄ ᓄᓇᓖᑦ ᖃᕐᔪᐃᑦ ᐅᕕᒃᑫᑦ ᑲᑎᒪᔨᒃᑯᖏᓐᓂᒃ;
- ᐅᐸᐅᑎᓗᓂ, ᐊᑕᐅᓯᐊᕐᓗᓂ ᐊᕐᕌᒍᑕᒫᑦ ᓄᓇᓕᓕᒫᑦ ᓯᓈᓕᒪᖃᕐᕕᐅᔪᓂ ᑐᑭᓯᑎᑦᓯᓂᖃᕐᓂᐊᓗᑎᒃ ᖃᓄᐃᓘᕐᓂᐅᔪᓕᒫᓂᒃ ᖃᕐᔪᐃᑦ ᐅᕕᒃᑫ ᑲᑎᒪᔨᖏᑦᑕ;
ᐳᕐᑐᓂᕐᓭᑦ ᑲᒪᒋᔭᑦᓴᔭᖏᑦ – 3-ᓂᒃ ᐊᕐᕌᒎᔪᓂ
ᐊᖓᔪᕐᖄᖅ
ᐊᖓᔪᕐᖄᖑᓚᖓᕗᖅ ᐳᕐᑐᓂᕐᓴᐅᓗᓂ ᑲᑎᒪᔨᓄᑦ, ᐊᑑᑎᓂᖃᖃᑦᑕᓚᖓᔪᖅ ᐃᓗᓐᓈᒍᑦ ᑲᒪᒋᔭᖃᕐᓂᒥᒃ ᑕᒪᑦᓱᒪ ᐱᔭᑦᓴᔭᕆᔭᖏᓐᓂᒃ ᑲᑎᒪᔩᑦ, ᐊᑎᓕᐅᖃᑦᑕᓗᓂ ᐃᓗᓐᓀᓂᒃ ᐊᓪᓚᖁᑎᐅᔪᓂᒃ ᐊᑎᓕᐅᕐᑕᐅᒋᐊᓕᓐᓂᒃ, ᐱᔭᕇᒍᓐᓇᓗᓂᓗ ᐱᔭᑦᓴᐅᒋᐊᓕᓕᒫᓂᒃ ᐃᓕᖓᔪᓄᑦ ᑖᑦᓱᒧᖓ ᐃᓂᒧᑦ ᐊᑑᑎᖃᑦᑕᓗᓂᓗ ᓄᑭᒋᔭᐅᔪᓕᒫᓂᒃ ᓱᕐᖁᐃᑕᐅᓂᖃᑐᐃᓐᓇᕆᐊᓕᓐᓂᒃ ᑐᑭᑖᕈᑎᖓᑎᒍᑦ ᑲᑎᒪᔩᑦ.
ᐊᖓᔪᕐᖄᑉ-ᑐᖓᓕᐊ
ᐊᖓᔪᕐᖄᑉ-ᑐᖓᓕᐊ ᐃᑲᔪᕐᓯᒪᓲᖅ ᐊᖓᔪᕐᖄᒥᒃ ᐱᔭᑦᓴᔭᕆᔭᖏᓐᓂᒃ ᐊᑑᑎᑎᑦᓯᒍᓐᓇᒦᑦᓱᓂᓗ ᐱᔪᓐᓇᐅᑎᐅᔪᓂᒃ ᑲᔪᓯᑎᑦᓯᒍᓐᓇᓱᓂᓗ ᐱᔭᑦᓴᐅᔪᓂᒃ ᓱᕐᖁᐃᑕᐅᓂᖃᑐᐃᓐᓇᕆᐊᓕᓐᓂᒃ ᑐᑭᑖᕈᑎᖓᑎᒍᑦ ᑲᑎᒪᔩᑦ. ᓄᐃᑕᖕᖏᐸᑦ ᐱᕐᖃᔦᕐᓯᒪᑉᐸᓘᓐᓃᑦ ᐊᖓᔪᕐᖄᖅ, ᐊᖓᔪᕐᖄᑉ-ᑐᖓᓕᐊ ᐱᒍᓐᓇᓂᖃᕋᔭᕐᖁᖅ ᑲᔪᓯᑎᑦᓯᒍᓐᓇᓗᓂᓗ ᐱᔭᑦᓴᔭᕆᔭᖏᓐᓂᒃ ᓄᑭᖏᓐᓂᓗ ᐊᖓᔪᕐᖄᑉ.
ᐊᓪᓚᑎᒃ-ᑮᓇᐅᔭᓕᕆᔨᒃ
ᓄᐃᑕᖕᖏᐸᑦ ᐱᕐᖃᔦᕐᓯᒪᑉᐸᑎᓘᓐᓃᑦ ᐱᒍᓐᓇᖃᔭᖕᖏᐸᑦ ᐊᖓᔪᕐᖄᖅ ᑐᖓᓕᐊ-ᐊᖓᔪᕐᖄᓘᓐᓂᑦ, ᐊᓪᓚᑎ-ᑮᓇᐅᔭᓕᕆᔨᒃ ᐱᕕᖃᒐᔭᕐᖁᖅ ᑲᔪᓯᑎᑦᓯᒍᓐᓇᓗᓂᓗ ᐃᓗᓐᓀᓂᒃ ᐱᔭᑦᓴᕆᔭᐅᔪᓂᒃ ᓄᑭᖏᑦᑕᓗ ᐊᖓᔪᕐᖄᑉ.
- ᐃᓗᓐᓈᒍᑦ ᑕᑯᓐᓇᒐᓱᐊᕐᑎᐅᓗᓂ ᑎᒍᒥᐊᕐᑕᐅᒋᐊᓕᓕᒫᓂᒃ ᑲᑎᒪᔩᑦ ᐊᓪᓚᑲᑦᑕᐅᑎᓂᕆᓲᖏᓐᓂᒃ ᐊᓪᓚᖁᑎᓕᒫᓂᓪᓗ;
- ᐃᓗᓐᓇᒍᑦ ᑕᑯᓐᓇᒐᓱᐊᕐᑎᐅᓗᓂ ᑎᒍᒥᐊᕐᑕᐅᒋᐊᓕᓕᒫᓂᒃ ᐃᓕᑕᕆᔭᐅᒍᑏᑦ ᐊᓪᓚᖁᑎᓕᒫᖏᓐᓂᒃ ᑲᑎᒪᔩᑦ;
- ᑐᓴᐅᒪᑎᑦᓯᔨᐅᒍᑎᐅᒋᐊᓕᓕᒫᓂᓪᓗ ᑲᑎᒪᓂᑦᓴᖏᓐᓂ ᑲᑎᒪᔩᑦ;
- ᐊᑐᐃᓐᓇᕈᕐᑎᕆᓲᖑᓗᓂ ᓇᔪᕐᑎᖃᓲᖑᓗᓂᓗ ᑲᑎᒪᐅᑎᕕᓂᕐᓂᒃ ᑲᑎᒪᓂᓕᒫᖑᔪᓂᒃ ᐃᓚᐅᔫᔪᓄᑦ ᑲᑎᒪᔩᑦ, ᑲᑎᒪᔩᑦ ᐳᕐᑐᓂᕐᓭ ᑲᑎᒪᔨᖏᑦᑕᓗ;
- ᓇᔪᕐᑎᖃᓲᖑᓗᓂ ᓇᓗᓀᕐᓯᒪᒍᑎᐅᔪᒥ ᐃᓚᐅᔫᔪᑦ ᑲᑎᒪᔩᑦ;
- ᒪᓂᔨᓗᓂ ᐊᕐᕌᒍᑕᒫᕐᓯᐅᑏᑦ ᓱᖃᑦᓯᒍᑎᕕᓃᑦ ᑐᓴᕐᑎᓯᐅᑎᖏᓐᓂᒃ ᑲᑎᒪᔨᖏᑦᑕ ᑲᑎᒪᔩᑦ;
- ᓇᔪᕐᑎᖃᓲᖑᓗᓂ ᐁᓯᒪᓂᐅᔪᓂᒃ ᐃᑉᐱᒋᔭᖃᑦᓯᐊᓗᓂᓗ ᐱᕕᑦᓴᖃᕐᑎᓯᔪᒥᒃ ᐊᕕᑦᑐᓯᒪᒍᑎᐅᑉ 4.04 ᐸ) ᑲᔪᓯᑎᑕᐅᑦᓯᐊᕋᓗᐊᕐᒪᖔᑕ; ᐊᒻᒪᓗ
- ᐊᑐᐃᓐᓇᕈᕐᑏᓗᓂ ᒪᓂᔨᓗᓂᓗ ᑮᓇᐅᔦᑦ ᑐᕌᒐᖓᓂ ᑲᑎᒪᔩᑦ ᐊᖏᕐᑕᐅᒋᐊᖃᓂᐊᑐᓂᒃ ᑲᑎᒪᔨᓄᑦ;
- ᑲᒪᒋᔭᖃᕐᓗᓂ ᓄᐊᑕᐅᓂᖏᓐᓂᒃ ᐴᕐᑕᐅᓂᖏᓐᓂᓗ ᑮᓇᐅᔭᖏᑦᑕ ᑲᑎᒪᔩᑦ;
- ᓇᔪᕐᑎᖃᓲᖑᓗᓂ ᐃᓗᐃᑦᑐᓯᐊᓂ ᑮᓇᐅᔭᕐᑑᑎᕕᓂᓕᒫᑦ ᐊᓪᓚᖁᑎᖏᑦᑕ ᑲᑎᒪᔩᑦ;
- ᓇᔪᕐᑎᖃᓲᖑᓗᓂ ᓱᓇᒥᑦᑐᓂᒃ ᓈᒻᒪᓈᑦᓯᐊᑐᓂᓪᓗ ᑭᓯᑦᓯᖑᑎᓐᓂᐊᕈᑎᕕᓂᕐᓂᒃ ᑲᑎᒪᔨᒃᑯᑦ;
- ᑐᓴᕐᑎᓯᓲᖑᓗᓂ ᑲᑎᒪᔨᓂᒃ, ᐊᕐᕌᒍᓕᒫᒥ ᓯᑕᒪᕕᓪᓗᓂ, ᖃᓄᖅ ᐊᑐᕐᑕᐅᓂᖏᓐᓄᑦ ᑮᓇᐅᔦᑦ ᑲᑎᒪᔨᒃᑯᑦ;
- ᑲᒪᒋᔭᖃᕐᓗᓂ ᑲᑎᒪᔩᑦ ᑮᓇᐅᔭᖁᑎᖏᓐᓂᒃ ᐃᑉᐱᒋᑦᓯᐊᓗᒋᓪᓗ ᑮᓇᐅᔭᕐᑐᒍᑎᐅᒍᑎᒋᒋᐊᓪᓕᒻᒥᓄ ᐊᖏᕐᑕᐅᒪᔫᓗᑎᒃ ᑲᑎᒪᔨᓄᑦ;
- ᐊᑐᐃᓐᓇᕈᕐᑎᕆᓗᓂ ᑮᓇᐅᔭᕐᑑᑎᕕᓃᑦ ᐊᓪᓚᑕᐅᒪᓂᖏᓐᓂᒃ ᒪᓂᔨᖃᑦᑕᓗᓂᓗ ᑖᒃᑯᓂᖓ ᑮᓇᐅᔭᕐᑑᑎᕕᓃᑦ ᐊᓪᓚᑕᐅᒪᓂᖏᓐᓂᒃ ᑲᑎᒪᔨᓄᑦ ᓯᕗᓂᐊᒍᑦ ᐊᕐᕌᒍᑕᒫᕐᓯᐅᑎᐅᑉ ᑲᑎᒪᓂᒻᒪᕆᖓᑕ ᑲᑎᒪᔩᑦ;
- ᐃᑉᐱᒋᔭᖃᑦᓯᐊᓗᓂ ᓈᒻᒪᓈᕐᑐᓂᒃ ᑮᓇᐅᔦᑦ ᐊᐅᓚᑕᐅᓂᖏᓐᓄᑦ ᑲᑎᒪᔩᑦ ᓇᓃᓐᓂᖃᕆᐊᖃᓕᕐᓂᖏᓐᓂᓗ, ᐊᑐᕈᓐᓇᕕᖃᕐᓗᓂ ᐃᑲᔪᕐᓯᔭᐅᓂᕐᒥᒃ ᒪᑭᕝᕕᑯᑦ ᑮᓇᐅᔭᓕᕆᕕᖓᓐᓂᒃ;
- ᐊᑑᑎᒍᓐᓇᓗᓂ ᑖᒃᑯᓂᖓ ᐱᔪᓐᓇᐅᑎᓂᒃ ᐊᑐᕐᓗᓂᓗ ᑖᒃᑯᓂᖓ ᐱᔭᑦᓴᐅᔪᓂᒃ ᓱᕐᖁᐃᑕᐅᓂᖃᑐᐃᓐᓇᕆᐊᓕᓐᓂᒃ ᑐᑭᑖᕈᑎᖓᒍᑦ ᑲᑎᒪᔩᑦ.
