ᐱᓇᓱᖃᑎᒋᑎᒍᑦ
ᐱᓇᓱᖃᑎᒋᑎᒍᑦ

ᐊᕐᕌᒍᑕᒫᕐᓯᐅᑏᑦ ᑲᑎᒪᓂᕐᔪᐊᕗᑦ

ᖃᕐᔪᐃᑦ ᐅᕕᒃᑫᑦ ᑲᑎᖕᖓᔨᖏᑦ ᑎᓕᔨᒍᑎᓕᐅᕐᓯᒪᔪᑦ ᐃᓂᓪᓚᑎᕆᑦᓱᑎᒃ ᐊᕐᕌᒍᑕᒫᑦ ᑲᑎᒪᓂᕐᔪᐊᖃᖃᑦᑕᓛᕐᓱᑎᒃ ᑕᑯᑦᓴᐅᑎᑦᓯᓂᖃᖃᑦᑕᓗᑎᒃ ᐅᖄᕈᑎᖃᕐᓗᑎᓪᓗ ᐊᕐᕌᒍᑕᒫᑦ ᖃᐅᔨᑎᑦᓯᒍᑎᖏᓐᓂ ᐊᒻᒪᓗ ᑮᓇᐅᔦᑦ ᐋᕐᕿᓯᒪᒍᓯᖏᓐᓂ. ᐊᓯᐊᒍᑦ ᐅᖃᐅᓯᕐᑎᒍᑦ, ᑲᑎᒪᖃᑎᒌᓐᓂᖃᕐᓗᑎᒃ ᐊᑕᐅᑦᓯᑯᑦ ᓱᓕᒐᓗᐊᕐᒪᖔᑦ ᑎᒥᐅᔫᔪᖅ ᐊᒻᒪᓗ ᕿᓚᓈᕐᓂᖃᕐᓂᑯᑦ ᓱᓇᓂᒃ ᓯᕗᓂᕐᒥ ᐊᑑᑎᒍᒪᒻᒪᖔᑕ, ᐱᑐᖃᑎᒌᓪᓗᑕ ᐊᑕᐅᑦᓯᑯᑦ, ᓈᓚᓪᓗᑕ ᐊᒻᒪᓗ ᐃᓕᓐᓂᐊᖃᑎᒌᓪᓗᑕ ᐊᑐᓂᑦᓯᐊᖅ ᐱᓇᓱᐊᕐᓯᒪᔭᑦᑎᓂ ᐊᑦᔨᒌᖕᖏᑐᑎᒍᑦ ᐱᒋᐅᕐᓴᑎᑦᓯᓂᑎᒍᑦ, ᓱᖃᑦᓯᑎᑕᐅᓂᒃᑯᑦ ᐊᒻᒪᓗ ᑕᑯᑦᓴᐅᑎᑦᓯᓂᒃᑯᑦ.

“ᐅᐱᒍᓱᓪᓚᕆᒃᑯᖓ ᐃᕗᔨᕕᒃ, ᓄᓇᓕᐊᕈᐊᐱᒐ ᐱᕕᑦᓴᖃᑦᓯᐊᓲᖑᖕᖏᑐᖅ ᙯᖁᔨᓯᒪᓂᒃᑯᑦ
ᑲᑎᒪᓂᕐᔪᐊᓂ, ᐱᕕᑦᓴᖃᑦᓴᕋᑕᕐᑐᕕᓂᐅᒻᒪᑦ ᐅᕕᒃᑲᓄᑦ ᑎᑭᑕᐅᒪᓂᒃᑯᑦ ᓄᓇᕕᓕᒫᒥ ᐱᐅᔪᕐᔪᐊᒥ ᐱᓯᒪᔪᓄᑦ. ᓇᑯᕐᓴᓚᕆᒃᑯᖓ ᐱᓇᓱᑦᑎᐅᖃᑎᒃᑲᓂᒃ ᐊᕐᓱᕈᕐᓱᑎᒃ ᐱᓇᓱᐊᓲᖑᒻᒪᑕ ᐊᓂᒎᑎᑦᓯᐊᖁᓪᓗᒍ ᐊᕐᓱᕈᕐᓇᓲᖑᒻᒪᑦ ᑲᑎᒪᓂᕐᔪᐊᓂᑦ ᐸᕐᓀᒐᓱᐊᕐᓱᓂ, ᐱᓗᐊᕐᑐᒥ ᓄᓇᓕᐊᕈᓐᓂᒃ. ᖃᕐᔪᐃᑦ ᐅᕕᒃᑫᑦ ᑲᑎᖕᖓᔨᖏᑦ ᐱᒍᓐᓇᓯᑎᑦᓯᓚᐅᔪᑦ ᐊᒻᒪᓗ ᑕᒪᓐᓇ ᑲᑎᒪᓂᕐᔪᐊᖅ ᐳᐃᒍᓚᐅᕐᓯᒪᓛᖕᖏᑕᕋ ᐆᒻᒪᑎᒻᒥᖏᓐᓇᓂᐊᕐᓱᒍᓗ (ᓱᖃᑦᓯᓂᕆᓲᕗᑦ ᓇᐅᓕᒫᖅ
ᐅᕙᓐᓄᑦ ᐊᑦᑐᐊᔪᑦ, ᑭᓯᐊᓂ ᑐᑭᓯᒍᓐᓇᖂᕋᕕᑦ ᐅᕙᓐᓄᑦ ᐱᒻᒪᕆᐊᓘᓯᒪᒻᒪᑦ ᑐᖕᖓᓱᑦᑎᓯᑦᓱᓂ ᖃᕐᔪᐃᑦ ᐅᕕᒃᑫᑦ ᑲᑎᖕᖓᔨᖏᓐᓂᒃ ᓄᓇᓕᒐᓅᕐᑎᓯᓂᕐᒥᒃ ᐊᓯᐊᓄᑦ ᓄᓇᓕᒻᒧᑦ ᐊᕐᕕᑕᖕᖏᖔᕐᓱᓂ).”
ᐃᓕᓴᐱ ᓚᒧᕉ (ᑭᒡᒐᑐᕐᑎᕕᓂᖅ ᑕᓯᐊᔭᕐᔪᐊᑉ ᐃᑭᕋᓴᖓᓂ)
ᐃᓕᓴᐱ ᓚᒧᕉ (ᑭᒡᒐᑐᕐᑎᕕᓂᖅ ᑕᓯᐊᔭᕐᔪᐊᑉ ᐃᑭᕋᓴᖓᓂ)

ᓈᓚᒐᓱᐊᕆᑦ ᑭᖑᓪᓕᒥ ᑲᑎᒪᓂᒻᒪᕆᐅᓛᕐᑐᒥᒃ ᐊᑑᑎᓛᕐᑐᒥᒃ ᑕᓯᐅᔭᕐᔪᐊᑉ ᓯᓈᖓᓂ ᐃᓄᒃᔪᐊᒥ.

    ᐅᕕᒃᑲᐅᑉ ᑕᑕᕐᓴᒐᑦᓴᖓ

      



     



     



     



     



     


     



     



     



     



     



     



     


     




     



     



     

    ᐊᖏᖃᑎᒌᒍᑎ ᐃᓚᐅᖃᑕᐅᓂᕐᒧᑦ ᐱᐅᓯᕐᒧᓗ


    ᐅᕙᖓ,
    , ᑐᑭᓯᒪᕗᖓ ᐃᓚᐅᓂᕋᓄᑦ ᖃᕐᔪᐃᑦ ᐅᕕᒃᑫᑦ
    ᑲᑎᖕᖓᔨᖏᑦ ᐊᕐᕌᒍᑐᒫᕐᓯᐅᑎᒥᓂᒃ ᑲᑎᒪᓂᒻᒪᕆᖃᕐᑎᓗᒋᑦ ᒪᓕᒋᐊᖃᕐᓂᕋᓂᒃ
    ᑐᑭᒧᐊᒋᐊᕈᑎᓕᐊᖑᓯᒪᔪᓂᒃ ᑖᒃᑯᐊ ᐊᓪᓚᓯᒪᔪᑦ ᐊᑖᓂ. ᐊᒻᒪᓗᒋᐊᓪᓚᖅ, ᑐᑭᓯᒪᕗᖓ
    ᑐᑭᒧᐊᒋᐊᕈᑎᓕᐊᖑᓯᒪᔪᓂᒃ ᒪᓕᖕᖏᑐᐊᕈᒪ ᐊᖏᕐᕋᑎᑕᐅᑐᐃᓐᓇᕆᐊᖃᕐᓂᕋᓂᒃ ᐃᒻᒥᓂᒃ
    ᐊᑭᓖᓗᖓ.

    1. ᒪᓕᒐᕐᓂᒃ ᒪᓕᖃᑦᑕᓚᖓᔪᖓ, ᐊᖏᕐᕋᓯᒪᓐᓇᒥ ᐊᖏᕐᕋᓯᒪᖃᑦᑕᓚᖓᔪᖓ,
      ᑐᑭᒧᐊᒋᐊᕈᑎᓕᐊᕆᓯᒪᔭᖏᓐᓂᓗ ᖃᕐᔪᐃᑦ ᐅᕕᒃᑫᑦ ᑲᑎᖕᖓᔨᖏᑦᑕ.

    2. ᐃᒥᐊᓗᖃᑦᑕᓚᖓᖕᖏᑐᖓ ᐅᕝᕙᓗᓘᓐᓃᑦ ᐋᓐᓂᐊᕕᒻᒥᑦ ᐄᕐᖃᒐᕐᑖᕆᓐᓂᖏᑦᑕᑲᓂ
      ᐄᕐᖃᖃᑦᑕᓚᖕᖏᑐᖓ ᐊᕐᕌᒍᑕᒫᕐᓯᐅᑎᒥ ᑲᑎᒪᓂᒻᒪᕆᖃᕐᑎᓗᒍ.

    3. ᑲᑎᒪᒋᐊᕐᑐᓯᐊᖏᓐᓇᖃᑦᑕᓚᖓᔪᖓ, ᐅᖄᒍᑎᐅᔪᓄᑦ ᓱᕐᖃᑦᓯᑎᑦᓯᒍᑎᓄᓪᓗ
      ᐃᓚᐅᑦᓯᐊᖃᑦᑕᓗᖓ ᐊᒻᒪᓗ ᐊᐅᓪᓚᕕᑦᓴᕋᓄᑦ ᑭᖑᕃᓛᖕᖏᓇᒪ ᒥᕝᕕᓕᐊᕈᑎᑦᓴᑲᓂᒃ
      ᐸᕐᓇᓯᒪᑦᓯᐊᓗᖓ. ᓇᒻᒥᓂᖅ ᑭᖑᕃᓚᕿᑎᒍᒪ ᖃᖓᑦᑕᔫᒧᑦ, ᓇᒻᒥᓂᖅ ᑮᓇᐅᔭᒃᑲᓄᑦ
      ᐊᑭᓕᕆᐊᖃᑐᐃᓐᓇᕆᐊᖃᕋᔭᕐᑕᕋ ᖃᖓᑦᑕᐅᑎᒐ.

    4. ᐃᒥᐊᓗᒃᑮᓛᖕᖏᑐᖓ ᐅᕝᕙᓘᓐᓃᑦ ᐋᓐᓂᐊᕕᒻᒥᑦ ᐄᕐᖃᒐᕐᑖᕆᓐᓂᖏᑦᑕᑲᓂᒃ
      ᓇᑦᓴᓯᓛᖕᖏᑐᖓ ᓯᓂᑦᑕᕕᒻᒧᑦ/ᐊᖏᕐᕋᒧᓪᓘᓃᑦ ᑐᔪᕐᒥᐅᕕᒋᓛᕐᑕᕋᓄᑦ.

    5. ᐊᖏᕐᖁᖓ ᓇᒻᒥᓂᖅ ᓵᑕᑦᓴᐅᓂᕋᓂᒃ ᓱᒃᑯᑐᖃᕐᓂᐸᓗ ᓈᒻᒪᓴᖕᖏᑐᓕᕕᓂᐅᔪᖃᕐᐸᓗ
      ᐅᕙᓐᓅᓕᖓᔪᓂᒃ ᑐᔪᕐᒥᐅᕕᒐᓂ (ᓯᓂᑦᑕᕕᒃ/ᐊᖏᕐᕋᖅ) ᐊᑭᓕᕋᑦᓴᖃᕐᓂᐸᑦ
      ᐊᑭᓖᒋᐊᖃᕋᔭᕐᑐᖓ. ᖃᓄᑐᐃᓐᓇᖅ ᐊᑭᓕᕆᐊᓖᑦ ᓯᓚᑖᓂ ᑐᔪᕐᒥᐅᕕᒻᒪ ᓯᖁᒥᑦᓯᓂᕐᒧᑦ
      ᓇᒻᒥᓂᖅ ᑲᒪᒋᒋᐊᖃᕋᔭᕐᑕᑲ ᐅᕝᕙᓘᓐᓃᑦ ᐊᖓᔪᕐᖄᒪ/ᑲᒪᔨᒻᒪᓘᓐᓃᑦ.

    6. ᐊᖏᕐᖁᖓ ᒪᓕᖃᑦᑕᓚᖓᑦᓱᖓ ᒪᓕᒐᖏᓐᓂᒃ ᓯᓂᑦᑕᕕᐅᑉ/ᐊᖏᕐᕋᐅᑉ
      ᑐᔪᕐᒥᐅᕕᒋᓚᖓᔭᕐᒪ.
      ᐊᖏᕐᖁᖓ ᓲᓱᑦᓴᓯᐊᖃᑦᑕᓚᖓᓂᕋᓂᒃ ᓇᓕᕐᖃᕇᓂᒃ ᓇᓃᓐᓂᓂᓪᓗ ᑌᒪᖕᖓᓕᒫᖅ.
      ᐊᖏᕐᖁᖓ ᐱᓂᐊᕐᕕᖃᖃᑦᑕᓚᖓᓂᕋᓂᒃ ᑲᑎᖕᖓᒋᐊᕐᓯᒪᖃᑎᒃᑲᓂᒃ, QYC-ᓗ
      ᐱᓇᓱᑦᑎᖏᓐᓂᒃ, ᐊᑭᓕᕐᑐᑕᐅᒐᑎᓪᓗ ᐱᓇᓱᑦᑐᓂᒃ ᙯᖁᔭᐅᓯᒪᔪᓂᓪᓗ
      ᓲᓱᑦᓴᖃᑦᑕᓂᐊᕐᓂᕋᓂᒃ.

    ᑖᑦᓱᒥᖓ ᐊᖏᖃᑎᒌᒍᑎᒥᒃ ᐊᑎᓕᐅᕐᓂᑯᑦ, ᓇᓗᓀᕐᓯᕗᖓ ᐊᓪᓚᓂᐊᕐᓯᒪᒐᒃᑭᑦ, ᑐᑭᓯᑦᓱᒋᓪᓗ ᐊᖏᖃᑎᒋᑦᓱᒋᓪᓗ ᐃᓘᓐᓇᑎᒃ ᑐᑭᒧᐊᒋᐊᕈᑏᑦ.