ᓄᐃᑕᐅᔪᑦ N° 10
ᐅᓪᓗᒥ ᖃᓄᖅ ᐅᕕᒐᕐᑐᓂᒃ ᐃᒫᙰᕆᐊᕈᓐᓇᐱᑦ ?
ᐅᕕᒐᕐᑐᓂᒃ ᐃᓄᒃᑎᑑᕆᐅᕐᓴᖁᔨᕗᖓ ᐃᓄᐃᓪᓗ ᐃᓕᕐᖁᓯᖓᓂᒃ ᐃᓕᓴᖁᑦᓱᒋᑦ ᓄᓇᒥᓪᓗ.
ᐃᓅᓯᒃᑯᑦ ᓱᓀᑦ ᐊᑦᔨᐅᖏᑦᑐᓚᕆᐅᓂᕐᓴᐅᓕᕐᖃᑦ ᐅᓪᓗᒥ ᐃᓕᓐᓄᑦ ᐅᕕᒐᕐᑐᐃᑦ ᐃᓄᒻᒪᕇᓪᓗ ᐊᑯᓐᓂᖓᓂ ?
ᐅᕕᒐᕐᑐᐃᑦ ᐃᓄᒃᑎᑑᕐᓂᓴᐅᖃᑦᑕᕆᐊᓖᑦ. ᐃᓚᖏᑦ ᐃᓄᑐᐃᓐᓇᐅᖏᑦᑑᔮᕋᓱᐊᓲᒍᒻᒪᑕ ᐃᓄᑐᐃᓐᓇᐅᔮᕈᓐᓀᓱᑎᓪᓘᓃᑦ. ᐃᓄᓕᕐᑕᐅᖏᑦᑐᖔᓂᒃ ᐊᑐᕈᒪᓲᒍᓕᕐᑐᑦ. ᐃᓚᖏᓪᓗ ᐃᓄᓕᕐᑕᓂᒃ ᐱᑕᖃᕐᑌᓕᓲᒍᓕᕐᑐᑦ. ᐅᕕᒐᕐᑐᓂᒃ ᐊᐱᕐᓱᓲᒍᓂᕐᓴᐅᖃᑦᑕᖁᔨᔪᖓ. ᐊᐱᕐᓱᖏᓗᐊᓲᒍᔪᕆᔭᒃᑲᓕ ᖃᓄᑐᐃᓐᓇᖅ ᐅᓪᓗᒥᐅᓕᕐᑐᖅ ᐃᓄᒻᒪᕆᓐᓂᒃ.
ᓯᕗᓂᕐᒥ ᐅᕕᒐᕐᑐᐃᑦ ᓱᓇᓂᒃ ᑕᑯᕕᒋᒍᒪᔭᑎᑦ ?
ᐅᕕᒐᕐᑐᓂᒃ ᐱᕈᕐᓭᓯᐊᖁᔨᕗᖓ ᕿᑐᕐᖓᒥᓂᒃ. ᕿᑐᖕᖓᓕᓐᓂᒃ ᑎᒍᔨᔭᐅᖃᑦᑕᖁᔨᖕᖏᓇᒪ ᕿᑐᕐᖓᒥᓂᒃ. ᑎᒍᔭᐅᓯᒪᔪᑦ ᐊᖓᔪᕐᖄᒥᓂᑦ ᓄᓇᕕᒻᒧᑦ ᐊᐅᓪᓚᑎᑕᐅᕙᒻᒪᑕ ᐃᓄᒃᑎᑐᑦ ᐃᓕᕐᖁᓯᒥᓂᒃ ᐊᓯᐅᔨᓚᕿᑦᓱᑎᒃ ᐃᓅᑦᔪᓯᒥᓂᓪᓗ. ᐃᓘᓐᓇᑎᓐᓂᒃ ᐃᓄᒃᑎᑐᑦ ᐅᖃᐅᓯᑦᑎᓂᒃ ᐱᐅᓕᐊᑦᓯᐊᕋᓱᐊᖁᔨᕗᖓ.
